REVARESION Jon Gumbe Iesu Keriso Taibe Toyau Nunnewa 16:1 - Maiwa: Gae Mataiwa

¹ Sira ne anona. Noiwa wansin temporu apa dauwag aneya 7 diruivi, “Aisiya. Kabum 7 God danapiri meumawa piyu egave egamiya.”

REVARESION Jon Gumbe Iesu Keriso Taibe Toyau Nunnewa 16:1 Iomraidhean Croise

REVARESION Jon Gumbe Iesu Keriso Taibe Toyau Nunnewa 11:19

God temporu meuma kwiminau watabne. Temporu danave agi bokesiyawa wakene yaune. Kapisi meramivi, noiwa waivi, kwimin noiwa waivi, pinunu matadne, sira yamduiwa taigipam kokawa aigiya.

REVARESION Jon Gumbe Iesu Keriso Taibe Toyau Nunnewa 14:15

Sira aneya dawa temporu danave dauwag onne. Gwaberu egave yan wakenewa gumbe noiwa wansin auwane, “Peto wagegeramiyawa geumawa aug kesia kesia ag agoniya. Kuiyawa piyu egave dividivi undag maura uwane kesiag agoniyatan kumiwa uwane.”

REVARESION Jon Gumbe Iesu Keriso Taibe Toyau Nunnewa 14:18

Aneya da me iyam amaraiviwa me kem iyakaisi gumbe dauwag onne. Me peto wagegeramiyawa dona waipam yumnadnewa gumbe noiwa wansin auwane, “Peto wagegeramiyawa dona waipam geuma viyag piyu greip magawa gomiyag agoniya. Kuiyawa greip magawa kweraimusia.”

REVARESION Jon Gumbe Iesu Keriso Taibe Toyau Nunnewa 15:1

Ne yauna. Kwiminau kokawa ge anopipanum irawa da yauna. Aneya 7 kukaeba oieba 7 yumnasiya. Kuiyawa kukaeba oieba 7 gumbo God danapiri meuma wapukiyape onanape.

REVARESION Jon Gumbe Iesu Keriso Taibe Toyau Nunnewa 16:17

Aneya kabum 7 meuma painau egamne. Noiwa kokavit kin seya meuma apa dauwak sira temporu danave dauwag on waivi, “Me wait matadne onanane.”