REVARESION Jon Gumbe Iesu Keriso Taibe Toyau Nunnewa 13:6 - Maiwa: Gae Mataiwa

⁶ Me noiwa watabne God gumbe ae wane. Me God iviwa ge God gweyawa wakeiviwa arawa gumbo ae wane. Sira iyayapan mu kwiminau wakeemewa gumbo ae wane.

REVARESION Jon Gumbe Iesu Keriso Taibe Toyau Nunnewa 13:6 Iomraidhean Croise

Matiu 12:34

Ye mokare kukaeba upewaiwa mina. Ye kukaeba minawa aninin divi da oraiwa ye vene? Kuiyawa nonemagawa danave noidauwanewa me aigivi noiwa gae waivi.

Matiu 15:19

Kuiyawa, ano kukaeba anoiviwa, toen guttanwa, uinantaraki, vesin apan payaupayau, ub, gae ugauga, garadi, dividivi undag mame nonenmagawa apa daueme.

JON Gae Oraiwa Jon Tenewa 1:14

Gae me kwapiven ane, sira me gunup wakene. Nu me eyawa meuma yautu. Eyawa mame me Usiwa desiromiren eyawa. Me Mamawa gumbe onne. Eyawa me ano oraiwa ge ano natawa gumbe noidauwane.

Romu 3:13

“Mu meyowa mempotat yampot watabne. Mu pednowa gumbe ugauga veme.” “Mu nou kwapiwa ankwatave mokare yoiba kukaeba wakene.”

Korosai 1:19

Kuiyawa God me ano meuma gumbe ane God imidanawa noidauwanewa dividivi undag Usiwa danave wakepe,

Korosai 2:9

Kuiyawa Keriso danave God inaiinaiba undag apan kwapive wakeivi.

Ibru 9:2

Tabenako mu baraug siya. Pantut danave namiwa apa kendoro deriyateba ge teboro ge bredi puyowawa wakeya. Mu wayawa At Iyakaisiyapama.

Ibru 9:24

Keriso kwimin danave unigne. Me kwimin imug imug onan sira at iyakaisiyapama nanuwo ayawa onan. Me kwimin di. Sira me gare mame di God namive dauwag wakene nunan oya.

REVARESION Jon Gumbe Iesu Keriso Taibe Toyau Nunnewa 11:12

Sira propeta duwam kwimin apa noiwa kokavit anoya me dirumne, “Mapa dog oneya.” Mu kwimin irikup danave dog amiya. Mu anavi mumawa yangut temtem yaveme.

REVARESION Jon Gumbe Iesu Keriso Taibe Toyau Nunnewa 12:12

Meoya, kwimin ge me danave wakeyawa, ye degadega aya. Megara piyu ge poeman gumbo kukaeba uwape. Kuiyawa airapu kukaeba kokawa kum meuma pipi anog danawa piriwane piyu ge poeman gumbo aigne.”

REVARESION Jon Gumbe Iesu Keriso Taibe Toyau Nunnewa 15:5

Mame ivi ne yauna. Temporu kwiminauwa metabenako me taibe watanwa oya. Me watabne wakene, yauna.

REVARESION Jon Gumbe Iesu Keriso Taibe Toyau Nunnewa 18:20

Kwimin, iyakaisi igiyawa, apasoro ge propeta, gwetoimu kokawa mame oya degadega aya. Kuiyawa yenan oya God gwetoimu kokawa mame kep tene.”

REVARESION Jon Gumbe Iesu Keriso Taibe Toyau Nunnewa 21:3

Ne God wakeiviwa arawa apa noiwa wansin waivi anona. Me wane, “Yawa. God tabenako meuma me iyayapan gaibu. God iyayapan gaibu vinivi. Mu iyayapan meuma ape. Sira God membo mu gumbo sira God mumawa ape.

REVARESION Jon Gumbe Iesu Keriso Taibe Toyau Nunnewa 4:1

Dividivi mame onanane. Yawa, ne yauna kwimin danave ankwin watab yokene. Noiwa me kae trampet mina namu ne gunap waiviwa anona. Me wane, “Mapa dog onaga. Dividivi mame onanape ivi di matatpewa ne toyau gentna.”

REVARESION Jon Gumbe Iesu Keriso Taibe Toyau Nunnewa 4:4

Kin seya meuma wakene gumbe seya 24 birorot wakeya. Sira koukawa igiyawa 24 seya egave wakeeme. Mu wape pupuyuwa enamiya, sira kin keretawa gooru gumbe wariyawa mu kuiyowo teya.

REVARESION Jon Gumbe Iesu Keriso Taibe Toyau Nunnewa 5:13

Sira kwiminau, piyuwau, piyu ankwatave ge poeman egave me wadnewa undag, sira dividivi undag poeman danave, mu bererin toeme ne anona, “Kin seya meuma egave yan wakenewa ge Sip Usiwa gumbe waiya, iviwa kokawa, eyawa ge yusiwa evedni wakeigimpe.”

REVARESION Jon Gumbe Iesu Keriso Taibe Toyau Nunnewa 7:15

Meoya, mu God seya meuma namive wakeg oiyat ge aram temporu meuma danave nau meuma eme. Sira kin seya meuma egave wakenewa me tent wan egowo umpe.

REVARESION Jon Gumbe Iesu Keriso Taibe Toyau Nunnewa 7:9

Mame onananeve ne meve yauna. Yawa. Iyayapan obiren di wakeya bira da oma den ane basiya mumpe. Mu at undag gumbo, dam undag gumbo, iyayapan undag gumbo ge gae undag gumbo onamiya. Mu kin seya meuma namive ge Sip Usiwa namive yokeeme. Mu wape muma puipuyuwa enamiya nanuwo bayan nanuwo yumnateme.