REVARESION Jon Gumbe Iesu Keriso Taibe Toyau Nunnewa 13:3 - Maiwa: Gae Mataiwa

³ Mae yusiatatuwa kuiyawa desirom me toenguriya bo totanaivi, go me siget kokavit bo gumbe me sira inaine. Piyu egavewa undag terag me amave amiya.

REVARESION Jon Gumbe Iesu Keriso Taibe Toyau Nunnewa 13:3 Iomraidhean Croise

RUK Gae Oraiwa Ruk Tenewa 2:1

Kum me danave Siisa Augustus gaiyawa iyayapan undag dirumne, iyayapan at undag danave agoniyape ivuwa tetan oya.

JON Gae Oraiwa Jon Tenewa 12:19

Meoya Parisi igiyawa gae garawano aya, “Nu divi da oraiwa den ete. Yauya, at undag me amave amome!”

Apasoro 8:13

Saimon membo anotumat ag babataito ane. Me Pirip amave ampa ampa amiya. Sira irayauyau kokavit ge irakoniwa matadne me yaune terane.

REVARESION Jon Gumbe Iesu Keriso Taibe Toyau Nunnewa 13:12

Mae yusiatatuwa namuwa me yusiwa kokavitwa gumbe nau ane. Mae yusiatatuwa dawa mae yusiatatuwa namuwa namive undag me mina nau ane. Sira me piyu ge piyu egave vinemewa dirumne mae yusiatatuwa namuwa waiyaya. Mae yusiatatuwa namuwa me siget kokavit bo gumbe wakene, go me sira inaine.

REVARESION Jon Gumbe Iesu Keriso Taibe Toyau Nunnewa 13:14

Me mae yusiatatuwa namuwa namive irayauyau ane. Me irayauyau ane oya piyu egave vinemewa ugai munne. Me piyu egave vinemewa dirumne mu mae yusiatatuwa namuwa irawa wariya. Mae yusiatatuwa namuwa mut tumiwa gumbe siget kokavit aune, go ande vinivi.

REVARESION Jon Gumbe Iesu Keriso Taibe Toyau Nunnewa 17:10

Sira me apa kin igiyawa 7. Kin igiyawa 5 wait aigiya, desirom wakene, sira desirom da ande den uwane. Me uwapewa me koni pipi wakepe.

REVARESION Jon Gumbe Iesu Keriso Taibe Toyau Nunnewa 17:11

Mae yusiatatuwa me numan wakene gare den wakenewa, me kin naningamben botone duwamdesiyawa. Me desirom da kin igiyawa 7 danowo sira ivi wakukamtan oya aivi.

REVARESION Jon Gumbe Iesu Keriso Taibe Toyau Nunnewa 17:13

Mu danowa desirom aya. Mu mae yusiatatuwa yusiwa ge ano yusipam wampe.

REVARESION Jon Gumbe Iesu Keriso Taibe Toyau Nunnewa 17:17

Kuiyawa God anoano meuma mu atan oya God mu nonomagowa munne. Mu danowa desiromit aya mae yusiatatuwa at amaratan oya yusiwa waniya. Meve God gaiyawa undag natawa ape.

REVARESION Jon Gumbe Iesu Keriso Taibe Toyau Nunnewa 17:6

Ne vesin yauna. Me iyakaisi igiyawa ge Iesu oya taibe watanwa igiyawa ganigani muma nag pimpa noine. Ne me yaunawa ano pipanum ana.

REVARESION Jon Gumbe Iesu Keriso Taibe Toyau Nunnewa 17:8

Mae yusiatatuwa ge yawana. Me numan wakene go gare onan. Me matai nog epampa danave dauwag ompe me wakukamtan aivi. Piyu igiyawa mu piyu wadnewa gumbe on inaiinai bukaeba danave ivuwa den teyawa wakeya. Mu mae yusiatatuwa yaupewa mu terape. Kuiyawa mae yusiatatuwa me numan wakene gare onan. Me matai uwapewa mu terape.