REVARESION Jon Gumbe Iesu Keriso Taibe Toyau Nunnewa 11:2 - Maiwa: Gae Mataiwa

² Temporu daiewa om den auwa yankweya, kuiyawa me Ju onan igiyawa muniya. Mu dud 42 danave gwetoimu iyakaisiyapama amowo em dirau dirau ape.

REVARESION Jon Gumbe Iesu Keriso Taibe Toyau Nunnewa 11:2 Iomraidhean Croise

Matiu 27:53

Mu dagup danave dauwaya, namu Iesu yoine, ivi mu dagup danave dauwaya, sira mu gwetoimu kokawa iyakaisiyapama danave unig amiya, iyayapan obiren gumbo uwag toyau muniya.

Matiu 4:5

Meve Seitan at koka iyakaisi me aug aine, sira me dine temporu dewam opampa anewa egave yoine.

Matiu 5:13

Ye piyu siuraneba. Megara siuran demtawa me onanape ipewa, me aninin oma ape sira demta wape? Me dividivi gumbe oraimina onan, sira me aug piyu egave aorepe iyayapan amowo embaba tampe.

RUK Gae Oraiwa Ruk Tenewa 21:24

Mu matai benesi gumbe gutpe aikpe, sira matai ankwatave nau eme igiyawa ape, at da apa undag tepe wakepe, matai Ju onan igiyawa Jerusarem gerave em wakukam aigimpe meve Ju onan igiyawa kum muma onanape.

Ibru 10:29

Ye yaug anoya. Bira da God Usiwa amave yan empe, sira me gwangwan agiyawa diyawa me iyakaisi anumpewa yan yaupe, Guwawa me ano oraiwa nuniviwa ayamat den ape ipewa, me anintom mina ibnapamit aupe?

REVARESION Jon Gumbe Iesu Keriso Taibe Toyau Nunnewa 11:11

Kum duwamdesi ge gambenwa da onanane. Ivi God gumbe inaiinai gaupiwa dauwag munan unigne, mu amowo yoiya. Iyayapan mu yauyawa tet botoya.

REVARESION Jon Gumbe Iesu Keriso Taibe Toyau Nunnewa 11:3

Sira ne taibe veme igiyawa duwam neuma yutuwa muntna. Mu numan wape pumpunewa empe, ivi matattanwa gaiyawa kum 1,260 danave wape.”

REVARESION Jon Gumbe Iesu Keriso Taibe Toyau Nunnewa 12:6

Vesin at inguiwa arawa a aine. At me God menan tamibarip ane, sira me apa oiyat 1,260 danave amara wanigimpe.

REVARESION Jon Gumbe Iesu Keriso Taibe Toyau Nunnewa 21:10

Aneya me Guwawa gumbe tui kokawa painau ne auneg aine. Gwetoimu iyakaisi Jerusarem me God gumbe dauwag kwimin apa aig oniviwa toyau nedne.

REVARESION Jon Gumbe Iesu Keriso Taibe Toyau Nunnewa 21:2

Gwetoimu Iyakaisi, Jerusarem mataiwa, me God gumbe kwimin apa aigivine ne yauna. Me memawa oya vesin memgebip mataiwa me orot oraimina enne mina me tamibarip ane.

REVARESION Jon Gumbe Iesu Keriso Taibe Toyau Nunnewa 22:19

Bira da buka mame matai matatpe gaiyawa gumbe atan aupewa, God me inaiinai yomaeba danave ge gwe iyakaisi danave dividivi meumawa atan bope. Meib buka mame danave tene.