REVARESION Jon Gumbe Iesu Keriso Taibe Toyau Nunnewa 1:9 - Maiwa: Gae Mataiwa

⁹ Ne Jon, ye tateiwa, Iesu oya ibnawa ge God toimuwawa ge iyai waketanwa ye auyene mina ne aueni. Ne God gaiyawa ge Iesu taibe watanwa oya ginayapawa veme Patmos apa wakena.

REVARESION Jon Gumbe Iesu Keriso Taibe Toyau Nunnewa 1:9 Iomraidhean Croise

Matiu 20:23

Iesu mu dirum wane, “Ye oma ane ap neuma gumbe yoi naya, megara naninwa yutan go ketai apa wakepewa me ne agi den diruitna. Ne Maman gumbe at mame me iyayapan munan waribiyane.”

MAK Gae Oraiwa Mak Tenewa 10:39

“Nu oma ane,” mu garawa waya. Iesu mu dirumne, “Ne ap neuma gumbe yoi natnawa ye naya, sira babataito me ne autnawa ye me gumbe babataito auya.

JON Gae Oraiwa Jon Tenewa 16:33

Ne dividivi undag mame wait diruinawa, me ne gunap ye yum autan oya. Piyu mame danave ye matai danadawai auya. Megara yutuiwa sira auya! Ne wait piyu mame tona aigne.”

Apasoro 1:15

Kum me apa undag tatawaviwa 120 mina wakeya sira Pita mu danowo wan yoine.

Apasoro 14:22

Mu aigowawa guwowa gumbe yusiwa muniya. Anotumat kikikit yumnattan dirumeme. Mu waya, “God toimuwawa danave nu uniktanwa me yaigiwa obiren dadi danave unigtan ete.”

Romu 8:17

Nu usitainawa ipewa, nu kwan autan igiyawa gaibu. Eyawa autan oya nu Keriso gaibu edawai auete ipewa, nu God kwan autan igiyawa, sira Iesu Keriso gaibu kwan autan igiyawa.

Romu 8:25

Divi da den yautunewa oya nu anoigimtawa, nu nonunmagawa apa iyagit amaraigimta.

2 Korint 1:7

Nu owanowan numawa ye guniyap me yusipamit. Kuiyawa nu anotu ye dawai numawa auene mina watmemeyam numawa auene.

Piripi 1:7

Ne ye undag yenan oya meib anoeniwa me oraimina. Kuiyawa ne nonenap ye wakeyana. Ne murap tunegiya kumiwa apa, gae oraiwa amarag natawa veni kumiwa apa, ye God ano oraiwa ne gunap auyana.

Piripi 4:14

Ne danadawai neuma danave ne gaibu kebag oraimina wakeyana.

2 Tesaronika 3:5

Ne anoeni Ayapan matai ye nonemagewa wasiwampe, sira God baigan meuma ge Keriso iyai waketanwa ye daneyap yempe.

2 Timoti 1:8

Meoya Ayapan numawa oya taibe watanwa sira ne Ayapan oya nog aidnawa oya ubmam den a. Megara ne gunap yunata, sira God yusiwa gumbe gae oraiwa oya danadawai auwa.

Ibru 10:36

Ye uiwa di nikiatanwa yaug anoya. Me gumbe, ye God ano meuma aya, meve divi da God agi wanewa auya.

1 Pita 5:1

Siosi namuyoiyoi igiyawa guniyap wakeyawa mu gumbo ne anoeniwa dividivi undag mame ye matai aya. Ne mina gaibu siosi namuyoiyoi abnawa, ge Keriso edawai meuma yaug anonawa abnawa, sira eyawa me matai uwapewa gaibu autan eni abnawa.

REVARESION Jon Gumbe Iesu Keriso Taibe Toyau Nunnewa 1:1

Natawa guwavewa me Iesu Keriso taibe anewa. Mame me God Iesu Keriso wannewa. Dividivi tate matatpewa me nau igiyawa meuma toyau muntan oya. Keriso aneya meuma baraune Keriso nauwawa aiviwa Jon aine. Aneya Jon dine me yaug anone.

REVARESION Jon Gumbe Iesu Keriso Taibe Toyau Nunnewa 1:2

Jon me dividivi yaunewa undag me taibe ane. Me God gaiyawa ge Iesu Keriso taibe wanewa.

REVARESION Jon Gumbe Iesu Keriso Taibe Toyau Nunnewa 1:4

Jon gumbe at Esia danave siosi 7 oya. God ano oraiwa ge yum me gumbe ye guniyap. Me wakenewa gumbe sira me matai uwapewa gumbe, sira God wakeivi arawa namive Guwawa 7 gumbo God ano oraiwa ge yum ye guniyap wakeigimpe.

REVARESION Jon Gumbe Iesu Keriso Taibe Toyau Nunnewa 1:6

Me kin arawa wad nunne, sira pirisi wad nunne, nu Mamawa God nau meuma atan oya. Me gumbe eyawa ge yusiwa evedni wakeigimpe. Amen.

REVARESION Jon Gumbe Iesu Keriso Taibe Toyau Nunnewa 11:7

Mu yangowo yauya muma onanapewa, niba onan nogawa apa mae yusiatatu dauwag mu gumbo mut ape garawa aug mu gutpe.

REVARESION Jon Gumbe Iesu Keriso Taibe Toyau Nunnewa 12:11

Tatanaiwa mu Sip Usiwa ganigani meuma oya sira mu taibe veme igiyawa gaiyawa oya me gumbe garawa auya. Mu inaiinai muma oya baiganeba den anog bo aeba den aya.

REVARESION Jon Gumbe Iesu Keriso Taibe Toyau Nunnewa 12:17

Meve mae dragon vesin gumbe danapiri wane. Sira me vesin dam meuma yaig onamiyawa upeba wakeyawa gumbo mut atan dauwag aine. God gwangwan meuma yumnasiya sira Iesu oya taibe vemewa mu gaibu yumnasiya.

REVARESION Jon Gumbe Iesu Keriso Taibe Toyau Nunnewa 13:10

Bira da yumtan apewa, me kweya yumpe. Bira da mut tumiwa gumbe yupewa, me membovit mut tumiwa gumbe toengutpe. Mapa iyakaisi igiyawa mu kikikit waketanwa ge anotumat wakeya.

REVARESION Jon Gumbe Iesu Keriso Taibe Toyau Nunnewa 14:12

Mapa iyakaisi igiyawa kikikit waketanwa wakene. Mu God gwangwan meuma ge Iesu gumbe anotumat muma yumnateme.

REVARESION Jon Gumbe Iesu Keriso Taibe Toyau Nunnewa 19:10

Me kumive, ne me waiyatan oya amave koninwa yuna. Me gunap wane, “Den a. Ne ge mina sira tatagaiwa mina nau meuma eniwa. Ne mina Iesu oya taibe watanwa abnawa yumnadna. God waiyaigima. Kuiyawa Iesu oya taibe watanwa me propeta guwawa meuma.”

REVARESION Jon Gumbe Iesu Keriso Taibe Toyau Nunnewa 20:4

Ne koukawa wakeemewa arawa yawamna. Mu egowo wakeeme keptete atan oya yutuwa gaibu wape nouwa autan yusiwa munne. Sira ne iyayapan guwowa yawamna. Mu Iesu oya taibe watanwa oya sira God gaiyawa oya meyowa kesaya boriruwaya. Sira ne iyayapan yawamna. Mu mae yusiatatu go Guwawa meuma wai den ag mu namuwa ge nanuwa mae yusiatatu makaeba den tobatamiya. Mu sira taig inaiinai auya bairawan 1,000 danave Keriso gaibu amareme.

REVARESION Jon Gumbe Iesu Keriso Taibe Toyau Nunnewa 3:10

Ne dirugna iyai wakeya. Ge gae neuma yumnatana. Meoya yaigiwa kumiwa uwapewa ne genan amaratna. Yaigiwa kumiwa uwatanaivi piyu egave vinemewa ageyau amumpe.

REVARESION Jon Gumbe Iesu Keriso Taibe Toyau Nunnewa 6:9

Sira Sip Usiwa tobot batamiyawa naningamben botonewa watabnewa ne yauna. God gaiyawa oya ge mu yangowo yauyawa me taibe ayawa igiyawa guwowa wakeya. Iyakaisi kem meuma ankwatave mu guwowa wakeya ne yauna.

REVARESION Jon Gumbe Iesu Keriso Taibe Toyau Nunnewa 7:14

Ne me gumbe wana, “Ayapan neuma, ge anoana.” Meve me didnedne, “Iyayapan mame mu yaigiwa kokavit danave dauwag onamiya. Mu wape mumawa Sip Usiwa di meuma gumbe muiniya pupuyu aya.