REVARESION Jon Gumbe Iesu Keriso Taibe Toyau Nunnewa 1:1 - Maiwa: Gae Mataiwa

¹ Natawa guwavewa me Iesu Keriso taibe anewa. Mame me God Iesu Keriso wannewa. Dividivi tate matatpewa me nau igiyawa meuma toyau muntan oya. Keriso aneya meuma baraune Keriso nauwawa aiviwa Jon aine. Aneya Jon dine me yaug anone.

REVARESION Jon Gumbe Iesu Keriso Taibe Toyau Nunnewa 1:1 Iomraidhean Croise

JON Gae Oraiwa Jon Tenewa 12:49

Kuiyawa ne divi wanawa me ne gunap onan, megara Maman me baraunedne onednawa me divi watanit di sira anin toyau muntanit di wanewa gumbe ne veni.

JON Gae Oraiwa Jon Tenewa 15:15

Ne ye nau neuma ene igiyawa sira den watna, kuiyawa nau aivi abnawa me kokawa meuma aiviwa den yaug anone. Megara, ne ye watna owanaiwa, kuiyawa dividivi undag Maman gumbe anonawa wag diruina ye yaug anoene.

JON Gae Oraiwa Jon Tenewa 17:8

Kuiyawa ne gae ge neganawa me mu dirumna, sira mu me aviya. Mu me yaug anoya me ne e baraunegana onedna, sira mu anotumat aya me ge baraunegana onedna.

JON Gae Oraiwa Jon Tenewa 3:32

Me yaunewa ge anonewa oya gae wape, megara bira da me taibe wanewa den aune.

JON Gae Oraiwa Jon Tenewa 8:26

Ne yenan oya watanwa me obiren, sira yenan pui yutanwa me obiren. Megara me ne baraunedne onednawa me natawa. Sira ne dividivi me gumbe anonawa piyu mame gumbe veni.”

Romu 16:25

Ano guwavewa me mameib taibe ane. Anoanowawa me watavit ampa guwave wakene, megara gare mame taibe ane. God gwangwan meuma yusiwa gaibu gumbe, sira propeta buka muma gumbe, iyayapan undag mu anotumat ag mokonairen atanwa oya, anoanowawa me iyayapan undag munan taibe ane. Anoanowawa mame gumbe God oma ane ape ye wan yoiya.—

Garatia 1:12

Ne iyayapan gumbo den auna, sira ne bira da den toyau nedne. Megara Iesu Keriso toyau nedne auna.

Epesas 3:3

Ano guwavewa mame God toewanewan gumbe toyau nedne. Ne wait taibe tena ye anoyana.

Taitosi 1:1

Poru, God nauwawa eniwa, sira Iesu Keriso apasoro meuma, God gomiya munne igiyawa anotumat muma oya sira anoano natawa me God namive oraiwa oya, me anegne apasoro ana.

REVARESION Jon Gumbe Iesu Keriso Taibe Toyau Nunnewa 1:19

Meoya teya dividivi wait yauyanawa, gare matasiviwa, matai matatpewa.

REVARESION Jon Gumbe Iesu Keriso Taibe Toyau Nunnewa 1:9

Ne Jon, ye tateiwa, Iesu oya ibnawa ge God toimuwawa ge iyai waketanwa ye auyene mina ne aueni. Ne God gaiyawa ge Iesu taibe watanwa oya ginayapawa veme Patmos apa wakena.

REVARESION Jon Gumbe Iesu Keriso Taibe Toyau Nunnewa 17:1

Aneya 7 kabum muma 7 gaibu. Mu desirom da ne gunap on gae gunap wane, “Onaga. Uinantaraki vesinawa kokawa me yoi kokawa egave wakene. Ne vesin ibnawa meuma toyau gentna.

REVARESION Jon Gumbe Iesu Keriso Taibe Toyau Nunnewa 19:10

Me kumive, ne me waiyatan oya amave koninwa yuna. Me gunap wane, “Den a. Ne ge mina sira tatagaiwa mina nau meuma eniwa. Ne mina Iesu oya taibe watanwa abnawa yumnadna. God waiyaigima. Kuiyawa Iesu oya taibe watanwa me propeta guwawa meuma.”

REVARESION Jon Gumbe Iesu Keriso Taibe Toyau Nunnewa 19:9

Aneya gunap wane, “Teya. Sip Usiwa memgebip nakwaeba oya munan auwanewa mu waribiya munne. Sira me gunap wane, “Gae mame natawa, me God gaiyawa.”

REVARESION Jon Gumbe Iesu Keriso Taibe Toyau Nunnewa 21:2

Gwetoimu Iyakaisi, Jerusarem mataiwa, me God gumbe kwimin apa aigivine ne yauna. Me memawa oya vesin memgebip mataiwa me orot oraimina enne mina me tamibarip ane.

REVARESION Jon Gumbe Iesu Keriso Taibe Toyau Nunnewa 21:9

Aneya 7 mu kabum 7 gaibu. Kabum danowa kukaeba oieba noidauwag wakeya. Aneya 7 danowo desirom me gunap on wane, “Onaga. Ne vesin memgebip mataiwa, me Sip Usiwa biviwa, toyau gentna.”

REVARESION Jon Gumbe Iesu Keriso Taibe Toyau Nunnewa 22:1

Aneya me yoi me inaiinai yoiba toyau nedne. Me geyugeyu tare aivi mina esivi. Me God ge Sip Usiwa wakeivi arawa apa ub onne.

REVARESION Jon Gumbe Iesu Keriso Taibe Toyau Nunnewa 22:16

“Ne, Iesu, siosi oya dividivi mame yangave yaunewa yentan oya aneya neuma barauna onne. Ne Devid Taiwa ge Devid dam meuma gumbe onnewa, sira ne Wanteg Esivi Buwanaeba.”

REVARESION Jon Gumbe Iesu Keriso Taibe Toyau Nunnewa 22:6

Aneya ne gunap wane, “Gae mame anotumat oma ane sira natawa. Ayapan me propeta guwowa God muma. Sira Ayapan me aneya meuma baraune onne. Me nauwawa eme igiyawa gumbo dividivi koni uwataneme toyau muntan ane.

REVARESION Jon Gumbe Iesu Keriso Taibe Toyau Nunnewa 22:8

Dividivi mame anonawa sira yawamnawa, ne Jon. Ne anona sira yawamnawa, ne aneya amave koninwa yug waiyatan eni. Aneya me ne dividivi mame toyau negne.

REVARESION Jon Gumbe Iesu Keriso Taibe Toyau Nunnewa 22:9

Megara me ne gunap wane, “Den a. Ne ge mina sira ge tatagaiwa propeta mina nau meuma eniwa. Mu buka mame gaiyawa yumnateme. Ge God waiya!”

REVARESION Jon Gumbe Iesu Keriso Taibe Toyau Nunnewa 4:1

Dividivi mame onanane. Yawa, ne yauna kwimin danave ankwin watab yokene. Noiwa me kae trampet mina namu ne gunap waiviwa anona. Me wane, “Mapa dog onaga. Dividivi mame onanape ivi di matatpewa ne toyau gentna.”

REVARESION Jon Gumbe Iesu Keriso Taibe Toyau Nunnewa 5:7

Sip Usiwa me kin seya meuma egave yan wakenewa on gigirum paniyawa naniyutanwa gumbe aune.