Matiu 9:3 - Maiwa: Gae Mataiwa

³ Me kumive, Gwangwan toewanewan igiyawa upeba mumbovit wa ge ano aya, “Apan mame God gumbe ae waivi!”

Matiu 9:3 Iomraidhean Croise

Matiu 26:65

Meve pirisi painauvitwa wape meuma waremig wane, “Me God iviwa wakukamne. Dimbae oya nu yangunup upeba sira yauton, gare ye anoyana gae me God iviwa wakukamne.

RUK Gae Oraiwa Ruk Tenewa 5:21

Parisi igiyawa ge Gwangwan toewanewan igiyawa mukut amatog anoeme, “Apan mame bira? Me God gumbe gae kukaeba waivi. Bira oma ane kukaeba anog yankwepe, me God mekuriren oma ane?”

MAK Gae Oraiwa Mak Tenewa 14:64

Ye God gumbe iyagau mina anoene. Ye anin anoene?” Mu undag me gumbe anog waya me boatanit di.

MAK Gae Oraiwa Mak Tenewa 7:21

Kuiyawa apan danave wakeyawa, sira taibe watna, apan miyot ayawa me nonemagawa gumbe wakeya me dauwag omome. Mu ano kukaeba anoiviwa, vesin apan payaupayau, ub, toenguttan, yaug anogugurivi,

Matiu 7:29

kuiyawa Iesu me apan da bira yusiwa aunewa mina wag dirumne, Gwangwan toewanewan igiyawa mina onan.

MAK Gae Oraiwa Mak Tenewa 3:28

Ne natawa diruitna, apan kukaeba apewa go God gumbe ano kukam wapewa mu anog yankwepe.

MAK Gae Oraiwa Mak Tenewa 3:29

Megara bira da Guwawa Iyakaisiyapama gumbe ano kukam wapewa, me den anog yan kwepe. Me yaibobot kukaeba meuma ane onan den ape.”