Ibru 5:7 - Maiwa: Gae Mataiwa

⁷ God me oma ane bo gumbe warinampewa. Keriso inaiinai meuma piyuwawa kumiwa apa, me nun ge anoiviwa God gumbe wanne it aen ge yanga turipam gumbe. Sira Keriso ayamateba gumbe Keriso nun meuma God aune.

Ibru 5:7 Iomraidhean Croise

Matiu 27:46

Kum koniwa duwamdesi mina apa Iesu kwaruwane, “Eroi Eroi rama sabakutani?” — Me natawa, “Maman maman, divi oya ne yankwenegana?”

Matiu 27:50

Meve Iesu noiwa koka auwane me gaup meuma oieba dauwane.

MAK Gae Oraiwa Mak Tenewa 15:34

Kum duwamdesi aunewa Iesu noiwa kokavit wane, “Eroi Eroi rama sabakutani?”—Me natawa, “Maman maman, divi oya ne yankwenegana?”

MAK Gae Oraiwa Mak Tenewa 15:37

Iesu awau kokavit wanewa gaup meuma oieba tareyane.

RUK Gae Oraiwa Ruk Tenewa 23:46

Iesu au kokavit wane, “Maman, ge nanigap ne guwanwa barautna.” Meib wag gaup meuma oieba pukuwane.

JON Gae Oraiwa Jon Tenewa 1:14

Gae me kwapiven ane, sira me gunup wakene. Nu me eyawa meuma yautu. Eyawa mame me Usiwa desiromiren eyawa. Me Mamawa gumbe onne. Eyawa me ano oraiwa ge ano natawa gumbe noidauwane.

JON Gae Oraiwa Jon Tenewa 11:35

Iesu iruwane.

JON Gae Oraiwa Jon Tenewa 11:42

Ne anona ge kum evedni ne veni anoege. Megara ne mame wana iyayapan obiren birorot yokeyawa oya, sira ge ne baraunegana onedna me mu matai anotumat atan oya.”

JON Gae Oraiwa Jon Tenewa 17:1

Iesu mame wane, meve kwimin yaug nun wane: “Maman, kum wait uwane. Ud geuma me eyawa geumawa oma ane sira tobiyag gentan oya eyawa ud geuma wana.

Romu 8:3

Kwapunwa gumbe nu yutunwa onan, meoya Gwangwan oma den ane waita nunne, megara God waita nunne. God Usiwa baraune aig onne kukaeba numawa oya. Me nu minun kukaeba gaibu mina ane, meve kwapiwa gumbe kukaeba numa garawa aune onan di ane.

Garatia 4:4

Megara kum me uwane, God me Usiwa baraune onne, sira me ane me vesin gumbe yainewa ane, sira God ane me Gwangwan ankwatave abnawa ane.

1 Timoti 3:16

Mame me natawa, singui da den wakene, God anoanowawa natawa guwavewa me kokavit: “Keriso kwapiwa gumbe taibe uwamunne, Guwawa gumbe me taibe wane me oraimina, aneya mu me yauya, iyayapan yapowo me oya opata waya, iyayapan me gumbe piyu mame danave anotumat aya, eyawa danave aug dog aine.”

Ibru 10:10

God anoiviwa gumbe Iesu Keriso kwapiwa kum desirom mekut wanne. Me gumbe, nu muin nunne esine iyakaisi atu.

Ibru 10:5

Meoya Keriso piyu mame uwag wane, “Ge puyo maeba ge puyo topayana, sira nenanwa oya kwapiwa tamibarip ana.

Ibru 11:7

God me Noa dividivi me den yaunewa gumbe wag dine, me kumiwa apa anotumat gumbe Noa iyakaisiyapama namive a ane, meve vesin ud meuma waita muntan oya me wa koka sine. Wa koka me gumbe, me anewa piyu mame kukaeba, sira oraivitwa anotumat gumbe kwan autanwa abnawa ane.

Ibru 12:28

Meoya, nu God toimuwawa me den ipuniyaiviwa wait autuwa, nu God gumbe gaun wanta. Mame mina, nu oma ane God gumbe ayamat ge a gumbe meib di aigimta.

Ibru 13:20

Iesu me sip amaraivi abnawa kokavitwa me God agiyawa yaibobot diyawa gumbe. Yum God me Ayapan numa Iesu bo igiyawa gumbo sira aug taig uwanewa.

Ibru 2:14

Usitainawa undag di ge kwapuwa gumbe, meoya me mina di ge kwapiwa gumbe. Bo apa, Seitan me bo yusiwa gumbe wakenewa wakukamne. Sira me gumbe, iyayapan kwemne, kuiyawa iyayapan mu inaiinai muma kumiwa apa bo aeba gumbe ankwatave nau eme igiyawa wakeya.

1 Jon 4:3

Megara guwawa undag Iesu me God gumbe onne den taibe vemewa, mu God gumbe den onamiya. Mame me Keriso anaviyawa guwawa meuma. Ye anoyana me onivi, sira piyu mame danave wait uwane.

2 Jon 1:7

Ama toreya igiyawa obiren dauwag piyu mame gumbe uwaya. Mu taibe den waya Iesu Keriso me kwapiven ag uwane. Apan meiba me ama toreya abnawa sira me Keriso anaviyawa.