Ibru 3:7 - Maiwa: Gae Mataiwa

^7-8 Meoya me Guwawa Iyakaisiyapama waiviwa mina, “Ye gare mame noiwa anoyawa, nonewa den yaigiwape. At inguiwa arawa apa amaorot auyawa kumive, ye ayana God danapiriwane. Me mina, nonewa den yaigiwape.

Ibru 3:7 Iomraidhean Croise

Matiu 17:5

Meve me gae waiviwa, irikup esinewa mu undag umamne. Noiwa irikup danave wane, “Mame ne Utunwa nonenmagawa. Ne me gumbe degadega kokavit eni. Me gumbe anoigimiya!”

Matiu 22:43

Me mu dirum wane, “Me aninin, Devid me Guwawa Iyakaisiyapama gumbe gae waivi me auwane ‘Ayapan,’

MAK Gae Oraiwa Mak Tenewa 12:36

Devid membo waivi Guwawa Iyakaisiyapama gumbe taibe wane: ‘Ayapan me Ayapan neuma gumbe wane: “Nanin yutanwa apa wakeigima, ivi anavi geuma amagwa ankwatave ne tetna.” ’

JON Gae Oraiwa Jon Tenewa 10:16

Ne sip neumawa upeba gaibu, megara mu sip obiren mame si danave den wakeya. Mu mina ne tam ongetanit di. Mu mina ne nonwa anope, sira meve sip desirom agoniyape sira amat abnawa desirom ape.

JON Gae Oraiwa Jon Tenewa 10:27

Sip neuma ne nonwa anoya. Ne mu yaug ano munna, sira mu ne amanap onampe.

JON Gae Oraiwa Jon Tenewa 10:3

Ankwin amaraiviwa me oya watappe, sira sip me noiwa anope. Me sip meuma iviwa meuma gumbe auwape, sira tam dauwag aipe.

JON Gae Oraiwa Jon Tenewa 5:25

Ne ye natawa diruieni. Kum uwaivi, iyayapan boriruwayawa me God Usiwa noiwa anope. Kum garewa me me. Sira iyayapan mu anopewa mu matai wakeigimpe.

Apasoro 1:16

Me wane, “Tatangwanen, Judas me ebu iyayapan toewan munne mu Iesu yumiya. Guwawa Iyakaisiyapama Devid noive gumbe Judas oya matai matatpewa gaiyawa wane. Me gigirum tenewa me matadne.

Apasoro 28:25

Mame mina, mu anoemewa desirom den ane, sira mu taig amomewa, Poru gae desirom wane, “Guwawa Iyakaisiyapama me Aisaya gumbe me isimureaiwa gumbo wanewa me me di.

Apasoro 8:29

Guwawa Pirip dine, “Ag mae osi pui oreriyag aiviwa gumbe ug man me gaibu aisia.”

Ibru 10:15

Guwawa Iyakaisiyapama gaibu nunan oya mamaib taibe waivi,

Ibru 3:13

Kum wayawa gare, me danave yutuiwa garawan aya, sira ye bira da den nonemagewa yaigiwape kukaeba amaorot gumbe.

Ibru 3:15

Mamaib wane, “Ye gare mame noiwa anoyawa, nonewa den yaigiwape. Ye ayana God danapiriwane. Me bainda onan. Nonewa den yaigiwape.”

Ibru 4:7

Sira God ane kum da me “kum gare mame” ane. Sira bairawan obiren onanane, ivi God me Devid gumbe desiroma wait namu wanewa mina wane, “Ye gare mame noiwa anoyawa, nonewa den yaigiwape.”

Ibru 9:8

Mame gumbe Guwawa Iyakaisiyapama mamaib toyau nunivi. Pantut namuwa ande wakenewa, At Iyakaisiyapama Painauvitwa ebuwawa me ande den watabne.

2 Pita 1:21

Kuiyawa God gaiyawa me iyayapan anoano muma gumbe den onne, megara iyayapan mu Guwawa Iyakaisiyapama gumbe noiwa auyawa God gae meuma waya.

REVARESION Jon Gumbe Iesu Keriso Taibe Toyau Nunnewa 3:20

Yawa. Ne ankwin noive yokeg papapak toeni. Bira da ne nonwa anog ankwin watappewa, ne me danave unikna, me gaibu nakwai natna, sira ne gunap nakwai nape.