Ibru 3:12 - Maiwa: Gae Mataiwa

¹² Tatangwanen. Ye guniyap da, bira da nonemagawa kukaeba go nonemagave anotumat den aiviwa aug God wakenewa yankweg ube aipe ipewa, me bainda onan. ye yembovit yaiyai amaraya.

Ibru 3:12 Iomraidhean Croise

Matiu 16:16

Saimon Pita gara wane, “Ge Keriso, God Usiwa wakeiviwa.”

Matiu 24:4

Iesu garawa wane, “Apan da ye ugai yempe yaukapa.

MAK Gae Oraiwa Mak Tenewa 13:23

Meoya yembovit amaraya. Ne dividivi undag kum namiven wait ye diruina.

MAK Gae Oraiwa Mak Tenewa 13:33

Amat yembovit aya! Yangewa mereruwape yangut aigimiya! Ye den yaug anoyana kum divi me uwape.

MAK Gae Oraiwa Mak Tenewa 13:9

Ye yembovit amaraya. Iyayapan ye tam teempe daiboru yemboa nanuwo, sira sinagogu danave gurepe. Sira ne nau neumawa oya ye amareme igiyawage kin yeuma mu namuwo yoiya. Me dividivi undag ye yauyanawa mu dirumtan oya.

RUK Gae Oraiwa Ruk Tenewa 21:8

Me wane, “Yaukape. Iyayapan da den kwemiya uga yempe. Kuiyawa obiren matai ne ivunwa gumbe uwape waigimpe, ‘Ne me mame,’ sira ‘Kum koni di aivi.’ Mu amowo den di aisiya.

Romu 11:21

God naniwa namu wakenewa gwagwai den tupawa, me ye yenan oya gwagwai den tupe.

1 Korint 10:12

Meoya da bira anoivi ne kikikit yokeeniwa, me yaukapa den aikpe.

Korosai 2:8

Iyayapan da ano mumawa me natawa gaibu onan, sira ugaugaeba, meoya ye yaukape, ye den amowo aisiya. Gae me minawa me iyayapan anoanowawa, piyu mame yusiwa kukaeba apa uwanewa, me Keriso gumbe onan.

1 Tesaronika 1:9

Iyayapan upeba umum veme, ye aninin nu aununiyana, sira ye aninin god ugaugaeba yankweg tobiroriyag God wakeiviwa ge natawa ankwatave nau ene,

Ibru 10:31

God wakeiviwa nani danave aiktanwa me ui aeba.

Ibru 10:38

Apan oraiminavitwa neuma me anotumat gumbe wakeivi. Me a ag sira daieven aipewa, ne degadega den atna.”

Ibru 12:15

Meoya, ye iyayapan upeba yaimoyai yawamigimiya, bira da God ano oraiwa gumbe uyug aikpetan, sira sisiwa taiwa biyaupewa me ibnawa koka apetan, mame gumbe iyayapan obiren miyot umampetan.

Ibru 12:22

Megara tui Saion, God wakeiviwa toimuwawa, Jerusarem kwiminauwa, aneya obiren buyunaeba mu gumbo ye manene.

Ibru 12:25

Ye yaiyai yaukape. Bira da gae waiviwa den topaya. Kuiyawa piyu mame apa iyayapan upeba apan ambuwa gumbe gae waiviwa mu topayaya, meoya mu pui yumunne. Iyayapan mu apan ambuwa gumbo kwiminau gae waiviwa mu daiyowa tobiyag wampewa, mu matai pui yumumpe.

Ibru 3:1

Meoya, tatanaiwa iyakaisiopama mu kwiminau auvemewa. Iesu me apasoro ge pirisi painauvitwa me gumbe boruetewa. Me gumbe anoya.

Ibru 3:10

Meoya me kumiwa gumbe ne danampiriwa togomiyana, sira wana. Mu evedni nonomagowa ipun eme, sira mu ne ebuwanwa den yaug anoya.

Ibru 3:19

Meoya nu yaug anotu, mu oma den ane nonowa emtanwa den auya, kuiyawa mu anotumat den eme.

Ibru 9:14

Keriso diyawa me oma ane nonunmagawa muimpe. Keriso me miyot onan. Me diyawa Guwawa yaibobot gumbe God puyo wanne. Me diyawa nonunmagawa muimpe, sira anumpe bo gumbe tam ube tenumpe. Me meib anumpe bira God wakeiviwa nau meuma emewa.