Ibru 10:25 - Maiwa: Gae Mataiwa

²⁵ Iyayapan upeba desirom agoniyatanwa topaieme. Ye meib den aigimiya. Ye gara waita aigimiya. Kum onivi koni aivi, meoya nu meib di aigimta.

Ibru 10:25 Iomraidhean Croise

Matiu 10:15

Ne natawa ye diruitna. Anog keptete kumiwa apa, Sodom ge Gomora ibnawa muma me bembemu, go gwetoimu asime ibnawa me koka.

Matiu 18:20

Kuiyawa apan duwam go duwamdesi ne ivunwa gumbe onam agoniyapewa, ne mu gaibu.

JON Gae Oraiwa Jon Tenewa 12:48

Bira da ne topai negiviwa sira gae neuma den yumnasiviwa oya dividivi pui yuwatanwa me wakene. Gae me ne di wanawa me matai kum oieba kumiwa apa pui yuwampe.

Apasoro 16:16

Nu nun veme arawa oya angetewa, otau da airapu kukaeba danave wakenewa nuntosa atu. Me koukawa ankwatawo nau aivi. Me guwawa yaug anone ivi divi matatpe dum gumbe. Me dum ag, garawa kokavit aug koukawa meuma garawa tameme.

Apasoro 2:1

Pentikost kumiwa uwanewa, mu undag at desirom agoniyag wakeya.

Apasoro 2:42

Mu apasoro toewanewan mumawa yaimoyai yumateme, baigan amuneme, bredi warensieme sira nun veme.

Apasoro 20:7

Pura amatonewa apa, nu undagit agoniyatu bredi warensitan oya. Me kumiwa apa, Poru oiyat umae kwetan anone iyayapan gumbo gae waivi aram nub bagiwa uwane.

Romu 12:8

Wag dia yusiwa muntanwa ipewa ye wag dirumigimiya. Keb atanwa ipewa me keb aigimiya umu onan. Kokawa atanwa ipewa me yaimoyai kokawa aya. Waita muntanwa ipewa me waita munigimiya degadega gumbe.

1 Korint 11:20

Ye aogniyayawa, me Ayapan Augoi Nakwaeba natan oya onan.

1 Korint 14:23

Meoya siosi undag toborag undag pednowa gae ubewa waigimpe ipewa, upeba anotumat yaiyai den yaug anoyawa igiyawa go upeba anotumat den emewa igiyawa, mu siosi unikpe ipewa, mu mamaib wape, ye kuiewa kukaimusiya go?

1 Korint 14:3

Megara God gaiyawa wapewa me iyayapan gumbo wape. Me iyayapan danowo sig dotpe, yutuwa mumpe sira watmemeyam mumpe.

1 Korint 3:13

mu desirom desirom nau mumawa taibe ape. Kuiyawa kum uwapewa nau mumawa esipe yaupe. Kum me iyam gumbe uwape. Iyam me mu desirom desirom nau mumawa aninin ayawa natawa taibe ape.

1 Korint 5:4

Ye Ayapan Iesu iviwa gumbe agonienewa, ne gwanwa gumbe ye guniyap wakeeni. Sira ne Ayapan numa Iesu yusiwa gumbe,

Piripi 4:5

Ye kwayup yeuma iyayapan undag gumbo toyau muniya yaupe. Ayapan uwatanwa koni aivi.

1 Tesaronika 4:18

Meoya gae mame gumbe ye desirom desirom gara watmemeyam aigimiya.

1 Tesaronika 5:11

Meoya, gare ye ene mina, ano yusiwa yeuma garagara waita ag anoano yeuma garagara sig doriya.

Ibru 10:24

Sira yusiwa gara wan ag, gara wa ata gara baigan niyata, anoano oraiwa ata.

Ibru 10:37

“Kum kusi onanapeve, apan me uwatan aiviwa me uwape. Me pungi den wape.

Ibru 13:22

Tatangwanen, ye toewan waitawaita gaiyawa mame auya. Ne gigirum pipi tena.

Ibru 3:13

Kum wayawa gare, me danave yutuiwa garawan aya, sira ye bira da den nonemagewa yaigiwape kukaeba amaorot gumbe.

Jemus 5:8

Ye gaibu iyaiyai wakeke kikikit yoiya. Kuiyawa Ayapan koni uwape.

1 Pita 4:7

Dividivi undag oieba oya koni aivi. Meoya nun oya imuiwa esipe sira amaraigimiya.

2 Pita 3:11

Mame mina dividivi undag mame watkukampe. Meoya ye iyakaisi gumbe ge God namive oraivit di wakeigimiya.

2 Pita 3:14

Iyayapan neuma. Ye dividivi mame oya amarene, meoya ye yembovit a ge yau aigimiya. Um ge siran onan igiyawa aya, meve oma ape ye God namive dauwag aisia yum gaibu.

2 Pita 3:9

Megara iyayapan upeba aib anoya, Ayapan ekekenut aivi. Megara me agi gumbe aib den aivi. Me ye guniyap kikikit wakeivi. Me imive apan desirom da den watkukampe, sira me imive iyayapan undag nonemagowa biroriyape, yai memeyaig wakeigimpe.

JUD Jud Gigirum Meuma 1:19

Iyayapan mame mu Guwawa gaibu onan, sira mumbo kep tepe, sira anoano muma gumbe ag amome igiyawa.