Ibru 1:9 - Maiwa: Gae Mataiwa

⁹ Ge oraiwa baigan ege. Ge ano kukaeba topai ege. Meoya God, God geuma me ge painau barau genne, aigo geuma mu mina onan. Ge waribiya gennewa me degadega oira kadnawa gumbe.”

Ibru 1:9 Iomraidhean Croise

RUK Gae Oraiwa Ruk Tenewa 4:18

“Ayapan Guwawa meuma gunap wakene. Kuiyawa me oira gumbe waribiya nedne, gae oraiwa dividivi onan igiyawa gumbo opata watan oya. Me baraunedne onedna. Ne anekna nog igiyawa gumbo anog yankwetan oya watna. Yanga boredmusiawa igiyawa gumbo yangut oraimina atan oya watna. Sira nau ibnawa auemewa waita mumpe ingui amtan oya watna.

JON Gae Oraiwa Jon Tenewa 1:41

Me namu tatawa Saimon didimama ag yaug dine, “Nu Mesaiya yautu.” (Mesaiya tobiyak tenewa me Keriso).

JON Gae Oraiwa Jon Tenewa 10:17

Ne inaiinai neumawa wavereatnawa inaiinai neumawa sira autna, meoya Maman baigan gunap aivine.

JON Gae Oraiwa Jon Tenewa 20:17

Iesu wane, “Ne den yum nega, kuiyawa ne Maman oya ande den taig wan anedna. Megara, ne tatanaiwa munan aiseg dirumiya, ‘Ne Maman ge ye Mamewa, sira God neumawa ge God yeumawa me gumbe taig angeni.’ ”

JON Gae Oraiwa Jon Tenewa 3:34

Kuiyawa apan me God baraune onnewa God gae meuma waivi. God me Guwawa wanivi om gumbe onan.

Apasoro 10:38

Me Nasaret apan Iesu umumawa. God me apan mame gumbe Guwawa Iyakaisiyapama ge yusiwa egamne. Iesu mame gumbe God wakenewa, me aig anoano oraiwa ane, sira iyayapan undag mu airapu kukaeba gaibu wakeyawa warinamunne.

Apasoro 4:26

Piyu ayapanowa mu namu yoiya, sira namuyoiyoi igiyawa agoniyag toborag mu Ayapan ge Keriso noiwa den auya.’

Apasoro 4:27

Natawa di, Erod ge Pontio Pairat mu Ju onan igiyawa ge Isuraeru igiyawa gaibu gwetoimu koka mame danave agoniyaya. Mu nau geuma aiviwa abnawa iyakaisi, ge oira kuiyave egamanawa abnawa, Iesu gumbe topayag anokukam aya.

Romu 12:9

Baigan gumbe wakeyawa, uga den waigimiya. Ye kukaeba topai aigimiya, sira oraiwa autanwa me avigimiya.

Romu 15:13

Ne aib anoeni, Owanowan Goddeba me degadega undag ge yum undag anotumat gumbe ye yempe guniyap noidauwape, sira Guwawa Iyakaisiyapama yusiwa gumbe ye owanowan yempe guniyap noidauwape.

1 Korint 1:9

God me natawa, ye au meuma gumbe God Usiwa Iesu Keriso Ayapan numawa gaibu bog teyenne desirom toborayana.

2 Korint 11:31

God, Ayapan Iesu Mamawa, me yaibobot viripusi onan waiyagimtan avivi. Me anone ne uga den veni.

Garatia 5:22

Megara Guwawa magawa me baigan, degadega, yum, yai waketanwa, oraiwa, ano oraiwa, anotumat,

Epesas 1:3

Ne anoeniwa, iyayapan mu God me Ayapan numawa Iesu Keriso Mamawa waiya wampe. Iesu Keriso gumbe, guwawa waribiyatanwa kwiminauwa undag gumbe, God waribiya nunne.

Piripi 2:9

Meoya, God Keriso aug painauiren baraune, me iviwa wanne mu ivuwo undag me ankwatave.

Ibru 2:11

Apan da bira ape iyakaisi, sira iyayapan mu ane iyakaisi ayawa, mu duwam megara desirom. Meiba oya Iesu me ubmam den ane megara munan wane, “Tatanaiwa.”

Ibru 2:9

Megara nu Iesu yavete. Mamunwa God ane Iesu kusi yan ane aneya mina onan. Bo edawaeba gumbe me kin keret aune eyawa ge ayamat gumbe. Me bo demtawa aug yaune, iyayapan undag munan, God ano oraiwa gumbe.

Ibru 7:26

Pirisi kokavitwa mame me iyakaisiyapama, pui den aviviwa, danawa undag esinewa, kukaeba igiyawa gumbo ube, sira enagadne kwimin apa me painau opa. Nu imunup pirisi koka mame di.

1 Pita 1:3

God me Ayapan Iesu Keriso Mamawa mu waiya aigimpe. God ano kokawa nunivi, Iesu Keriso boag boriruwayawa igiyawa gumbo inaig yoinewa gumbe me ane nu sira yaitune ge owanowan gaibu vinigimta.

1 Jon 1:3

Nu wak diruita ye guniyap me nu yautuwa ge anotuwa. Me gumbe ye mina meib wakewake desirom me nu gaibu. Sira wakewake desirom numawa me Mamanwa gaibu sira Usiwa Iesu Keriso gaibu.

REVARESION Jon Gumbe Iesu Keriso Taibe Toyau Nunnewa 2:15

Me mina iyayapan upeba ge gaibu. Mu Nikorai igiyawa toyau wayau muma yumnateme.