Epesas 4:11 - Maiwa: Gae Mataiwa

¹¹ Mame mina, Keriso membo wag gomiyayemne, sira ud upib apasoro aya, ud upib propeta, ud upib evanjerist, ud upib siosi amareme igiyawa, sira ud upib toewanewan aya.

Epesas 4:11 Iomraidhean Croise

Matiu 28:20

Sira ye anoano undag me ne toyau yennawa toyau muniya, anoano undag noiwa aug amarape. Yauya, ne kum evedni ye guniyap, piyu mame oieba gumbe viripusiwa onan.”

Apasoro 13:1

Antiok siosi danave propeta ge toewanewan igiyawa wakeya. Mu Banabas, Naijer waya Simeon, Sairin apan Rukias, Manaen, me piyu mame namuyoiyoi abnawa Erod gaibu am naya, ge Sauru.

Apasoro 20:28

Ye yembovit ge iyayapan yeuma undag oya amat munigimiya. Guwawa Iyakaisiyapama me yenan iyayapan namuyoiyoi mumawa ane. Kuiyawa me ye God siosi meuma me God diyawa meuma gumbe gwiruwadnewa amaratan oya.

Apasoro 21:8

Oiyat umae me apa kwetu Sesariya uwatu. Me apa apan 7 gomiyamuniya mu danowo desirom me gae oraiwa opata veme igiyawa da Pirip wakene. Nu me gweyave waketu.

Romu 12:7

Me nau atanwa ipewa me nau aigimiya, sira toewanewan ipewa me toewan munigimiya.

1 Korint 12:4

Guwawa puyo meuma gina ubeube wakeya, go Guwawa desirom.

Epesas 2:20

Ye apasoro ge propeta nium egave sig dorene. Keriso Iesu me mekut nium natawa.

Epesas 3:5

Gare mame, Guwawa gumbe Keriso apasoro meuma iyakaisi ge propeta gumbo ano guwavewa mame toewamunne. Gare mame iyayapan gumbo toyau munne anoete, megara watavitwa den toyau munne.

Epesas 4:8

Me oya aib waivi, “Me painau dog ainewa, tamiyawa tuwam obiren bog aine, sira iyayapan puyo kep teg munne.”

2 Timoti 4:5

Megara ge dividivi undag mu yaukapa, sira danadawai geuma me gumbe ugwa nikiyaigima, sira gae oraiwa wateteyamivi abnawa nauwawa aigima, sira yaimoyai nau geuma aigima.

Ibru 5:12

Ne anoeniwa me ye wait bairawan obiren onananewa, ye wait toewanewan apono. Megara ye God gaiyawa taibewa bira toewan yemtan oya anoene. Ye imuyap am mina yunattan anoene, nakwai yaigipama onan.

JUD Jud Gigirum Meuma 1:17

Megara iyayapan neuma, ne imunap anoya gae Ayapan numa Iesu Keriso apasoro meumawa watavit wayawa.

REVARESION Jon Gumbe Iesu Keriso Taibe Toyau Nunnewa 18:20

Kwimin, iyakaisi igiyawa, apasoro ge propeta, gwetoimu kokawa mame oya degadega aya. Kuiyawa yenan oya God gwetoimu kokawa mame kep tene.”

REVARESION Jon Gumbe Iesu Keriso Taibe Toyau Nunnewa 21:14

Gwetoimu si meuma nium 12 gaibu. Mu egowo Sip Usiwa apasoro meuma 12 ivuwa 12 teya.