Epesas 3:11 - Maiwa: Gae Mataiwa

¹¹ Me God yumateba gumbe ane. God yaibobot yumateba me matadne Ayapan numawa Keriso Iesu gumbe.

Epesas 3:11 Iomraidhean Croise

Romu 9:11

Usitainawa mu den yaiya sira oraiwa ge kukaeba den aya kumiwa apa, Rebeka me umum anone, “Tatawa me gwaneba nau meuma atan abnawa ape.” Kuiyawa God anoiviwa me yusipamit yoivi, divi da atanwa gumbe onan, megara Ayapan me iyayapan munan auwaiviwa gumbe.

Garatia 5:24

Iyayapan mu Keriso Iesu gumbe wakeyawa mu kwapuwa korosi egave toya, kwapiwa ano kukaeba anoiviwa ge nuni atatu gaibu.

Epesas 1:11

Keriso gumbe, nu kwan autan igiyawa atu. God oma ane wape yumat meuma undag veniyape. Me anoiviwa gumbe, ano meuma gumbe dividivi mame nunan watavit baraune.

Epesas 1:4

Kuiyawa namu God me Iesu gumbe wagomiya nunne, ivi piyu mame wadne. Me imive nu God namive iyakaisi ata sira nu pui den yunumpe igiyawa ata. God me anoano meuma ge baigan gumbe meib atanwa wait anone. Iesu Keriso gumbe nu utampe nu God usitainaven ata.

Epesas 3:1

Kuiyawa mame oya, ne Poru, Iesu Keriso nog abnawa ye Ju onan igiyawa yenan diruiyeni.

2 Timoti 1:9

God waita nunne, sira me iyakaisiyapama wag nunan auwane. Meoya nu nau den atu, megara God yumateba ge ano oraiwa me ane. Namu ano oraiwa mame Keriso Iesu gumbe nunne, ivi piyu mame wadne.