परकास 5:9 - मध्‍य पुरविया थारू

⁹ उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।

परकास 5:9 Iomraidhean Croise

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मतीके लिखल सुसमाचार 26:28

यि परमेस्‍वर आ लोकसबके बिचमे समबन्‍ध बनाबैबला हमर लहु चियै, जे बहुतो लोकसबके पापसे छमा पाबैके लेल बह्‍याल ज्‍यारहल छै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

१ कोरन्‍थी 6:20

कथिलेत परमेस्‍वर तोरासबके मोल तिरके किन्‍ने छौ। तैखातिर तुसब आपन देहमे परमेस्‍वरके महिमा कर।

१ कोरन्‍थी 7:23

परमेस्‍वर तोरासबके मोल तिरके किन्‍नेछौ, तैखातिर लोकसबके दास नै बन।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 5:19

एक-आपसमे भजन, गित आ पबितर आत्‍मासे देल गित गाब आ परभुके खातिर आपन हिरदयसे धुन निकाल।

कलस्‍सी 1:14

ओकरेमे अपनासबके छुटकारा आ पाप छमा छै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 11:14

एहैन बात कहैबला लोकसब आपन लेल एकटा देस खोइजरहलछै कैहके परस्‍ट हैछै।

२ पतरुस 2:1

जहिनङे इजराएलीसबके बिचमे झुठा अगमबक्‍तासब छेलै, तहिनङे तोरोसबके बिचमे झुठा गुरुसब देखा परतौ। उसब गुपचुपेमे नास हैबला झुठा बातसब सिखाइतौ आ मुक्‍ती दैबला परभुके सेहो उसब इन्‍कार कैरके आपन उपर जल्‍दिए नास लाबतै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

१ युहन्‍ना 2:2

उ अपनासबके पापके दन्‍डसे बचाइके खातिर बलिदान भेलछै आ अपनेसबके खातिर मातरे नै, महज सन्‍सारमे भेल सबलोकके पापके खातिर भेलछै।

परकास 10:11

तब हमरा अनङ हुकुम भेलै, “तोरा बहुत लोकसबके, बहुत जातीसबके, बहुत भसा आ बहुत रजासबके बारेमे अगमबानी फेनसे सुनाइले परतौ।”

परकास 11:9

सारहे तिन दिनतक हरेक देस, कुल, भसा आ जातीके लोकसब ओकरासबके लहास देखतै महज ओकरासबके लहासके गारैले नै देतै।

परकास 13:7

उ परमेस्‍वरके लोकसबसङे लराइ करैके आ ओइसबके जितैके अधिकार पाबनेछेलै। सब कुल, देस, भसा आ जाति उपर अधिकार करैले देने छेलै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

परकास 14:6

तब हम बिच अकासमे उरैत दोसर स्‍वरगदुतके देखलियै। पिरथिबीमे रहैबला हरेक जाती, कुल, भसा आ देसके लोकसबके सुनाबैले ओकरसङे अनन्‍त सुसमाचार छेलै।

परकास 15:3

उसब अनङ कैहके परमेस्‍वरके दास मोसाके भजन आ थुमाके भजन गाबैछेलै, “हे सरबसक्‍तिमान परभु परमेस्‍वर! अहाँके काम कतेक महान आ अदभुत छै, हे जाती जातीके रजा! अहाँके बाट धारमिक आ सत छै।

परकास 17:15

तब स्‍वरगदुत हमरा कहल्‍कै, “तु जे बेबिचारनी जनीके समुन्‍दरके पानी उपर बैठल देख्‍ने छेल्‍ही, उ त देससब, भिरसब, जातीसब आ भसासब चियै।

परकास 4:11

“हे हमर परभु परमेस्‍वर, अहाँ सम्‍मान, आदरके योग्‍य चियै, कथिलेत अहि सब चिजके सिरिस्‍टी करनेचियै आ अहाँ आपने इक्‍छा बमोजिम सिरिस्‍टी करलियै आ उ असतित्‍वमे एलै।”

परकास 5:12

उसब जोरसे अनङ कहैछेलै, “बलीके रुपमे मारलगेल थुमा अधिकार, धन, बुइध, बल, मान, आदर आ इस्‍तुती पाबैके योग्‍यके चियै!”

परकास 5:6

तकरबाद हम चारटा जिबित परानी आ धरमगुरुसबसे घेरल सिंहासनके बिचमे एकटा थुमा ठारभेल देखलियै। उ थुमा मारल जखा देखाइछेलै। ओकरा सातटा सिङ आ सातटा आँख छेलै। सातटा आँख पुरे पिरथिबीमे पठाल परमेस्‍वरके सात आत्‍मा चियै।