परकास 21:3 - मध्‍य पुरविया थारू

³ तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।

परकास 21:3 Iomraidhean Croise

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 14:23

येसु ओकरा जबाफ देल्‍कै, “जे हमरा परेम करैछै, से हमर बचन पालन करैछै। हमर पिता ओकरा परेम करतै तब हमर पिता आ हम ओकरलग ज्‍याके ओकरसङे रहब।

२ कोरन्‍थी 6:16

परमेस्‍वरके मन्‍दिरके मुरतीसङे कोन समबन्‍ध? कथिलेकी हमसब त जिबित परमेस्‍वरके मन्‍दिर चियै। जनङकी परमेस्‍वर कहनेछै, “हम ओकरासबमे बास करबै आ ओकरासबके बिचमे चल-फिर करबै। हम ओकरासबके परमेस्‍वर हेबै आ उसब हमर परजा हेतै।

२ कोरन्‍थी 6:18

हम तोरासबके पिता हेबौ आ तुसब हमर बेटा-बेटी हेब्‍ही कैहके सबरसक्‍तीमान परमपरभु कहैछै।”

१ थेसलोनिकी 3:11

आब अपनासबके परमेस्‍वर पिता आपनेसे आ अपनासबके परभु येसु हमरासबके लेल तोरासबलग आबैले रस्‍ता खोइलदेबे।

हिबरु 11:16

महज उसब त ओहौसे सुन्‍दर, अरथात एकटा स्‍वरगके देसके इक्‍छा करने छेलै। अहैलेल परमेस्‍वर “हम ओइसबके परमेस्‍वर हेबै” कहैले नै लजाइछै, कथिलेकी ओइसबके लेल एकटा सहर तयार करने छै।

हिबरु 8:10

परमपरभु कहैछै, ‘आबैबला दिनमे हम इजराएलके लोकसबसङे यि करार बान्‍हबै। तोरासबके मनमे हम आपन बेबस्‍था राइखदेबौ, तोरासबके हिरदयमे उ लिखदेबौ। हम तोरासबके परमेस्‍वर हेबौ आ उसब हमर लोक हेतै।’

हिबरु 8:2

उ महापबितर ठाममे परधान पुजारी भ्‍याके सेबाके काम करैछै। उ साँचो महापबितर ठाम त लोकसब नै बनाइनेछै, महज परभु आपनेसे बनाइनेछै।

परकास 10:4

जब सात चोटीके मेघ गरजलै त हम लिखैले लागल छेलियै, महज स्‍वरगसे एहेन आबाज हम सुनलियै, “सात बेर मेघ गरजलके आबाज नै लिख, महज यि बात मनेमे घोसारके राख।”

परकास 10:8

तब स्‍वरगसे सुनल अबाज हमरा फेनसे अनङ कहल्‍कै, “जो! समुन्‍दर आ जमिनमे ठारभेल स्‍वरगदुतके हाथसे खोलल कागतके मुठा ले।”

परकास 12:10

तब हम स्‍वरगमे एहेन कहैत एकटा बरका अबाज सुनलियै, “आबसे अपनासबके परमेस्‍वर उधार करल्‍कै आ उ आपन राजकिय सक्‍ती देखेल्‍कै। आब ओकर खिरिस्‍ट अधिकार देखाइने छौ। आब अपनासबके भाइ-भैयासब दिन-रात परमेस्‍वरके अगा दोख लगाइबला सैतान स्‍वरगसे निकाइलके फेक देल्‍कै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।

परकास 22:3

आबसे उ सहरमे परमेस्‍वरके सरापके कोनोभी बात नै रहतै। परमेस्‍वर आ थुमाके सिंहासन ओते रहतै आ ओकर सेबकसब ओकरा सेबा करतै।

परकास 7:15

अहैकारनसे, उसब परमेस्‍वरके सिंहासनके अगामे छै आ दिन रात परमेस्‍वरके मन्‍दिरमे परमेस्‍वरके सेबा करैछै। सिंहासनमे बिराजमान हैबला आपनेसे परगट हैत ओइसबके सुरक्‍छा करतै।