परकास 2:3 - मध्‍य पुरविया थारू

³ हमरा थाहछै, तुसब धिरज कैरके सहन करनेचिही आ हमर नाउके खातिर कस्‍ट पाबियोके हमरा नै त्‍यागने चिही।

परकास 2:3 Iomraidhean Croise

मरकुस 15:21

जब सिपाहीसब येसुके रस्‍तामे लजाइछेलै तब उसब गामसे आइबरहल कुरेनी निबासी सिमोन नामके लोकसे भेट भेलै, जे अलेक्‍जेन्‍डर आ रुफसके बाबु छेलै। सिपाहीसब जबरजस्‍ती ओकरा पकैरके येसुके कुरूस बोकैले लगाइल्‍कै।

लुका 14:27

जे लोक आपन कुरूस बोइकके हमर पछा नै लाग्‍तै त, उ हमर चेला हेबे नै सक्‍तै।

लुका 18:1

तकरबाद चेलासबके सबदिन परथना करे आ निरास नै हेबे कैहके येसु ओइसबके एकटा खिसा कहल्‍कै,

लुका 21:19

कथिलेत तोरासबके आपन धिरजके कारन जिबन मिल्‍तौ।”

लुका 5:5

तब सिमोन येसुके कहल्‍कै, महज “गुरु जी, हमरासब रातभर जालसब फेकलियै महज एकोटा माछ नै परलै। तैयो अहाँ कहैचियै त हम जाल फेकैचियै।”

लुका 8:15

महज हलगर माटीमे परैबला उसब चियै, जे कोइ परमेस्‍वरके बचन सुनैछै आ आग्‍याकारी भ्‍याके मनेमे राखैछै आ दुख सहियोके बहौतरा फल फराइछै।”

युहन्‍ना 15:21

हमर नाममे बिस्‍बास करलाके खातिर उसब तोरासबके यि सब सताइबला काम करतौ, कथिलेत उसब हमरा पठाइबला पिताके नै चिन्‍हैछै।

रोमी 12:12

आपन आसामे आनन्‍द कर, दुख-कस्‍टमे धिरज कर आ निरन्‍तर परथना करैतरह।

रोमी 16:12

परभुके लेल एकदमसे मेहनत करैबाली बहिनसब तुरुफेना आ तरोफोसाके हमर गोरलगी सुन्‍यादहै। हमर पिरिय बहिन परसीसके सेहो गोरलगी सुन्‍यादहै कथिलेत उ परभुके काम करा मेहनतसे करैछै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

रोमी 8:25

यदि अपनासब नै देखलहा चिजके आसा करैचियै त, धिरजसे अपनासब ओहै चिजके लेल असियाल रहैचियै।

१ कोरन्‍थी 13:7

परेम सब बात सहैछै आ सब बातमे बिस्‍बास करैछै, सब बातमे आसा राखैछै आ सब बातमे अस्‍थिर रहैछै।

१ कोरन्‍थी 16:16

तुसब एहेन लोकसबके आ ओइसबसङे सेबा आ मेहनत करैबलासबके अधिनमे रह कैहके आगरह करैचियौ।

२ कोरन्‍थी 10:15

हमसब सिमा नाइङहके दोसरके मेहनतमे घमन्‍ड नै करैचियै, महज हमरासबके आसा यि छै कि तोरासबके बिस्‍बास बढते जाइबखत तोरासबके बिचमे हमरासबके कामके सिमा औरो बेसिसे फैलते जाए।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

२ कोरन्‍थी 4:1

परमेस्‍वर दयालु भेलाके कारनसे यि सेबाके काम हमरासबके देनेछै। ओहै खातिर हमसब हरेस नै खाइचियै।

२ कोरन्‍थी 4:16

ओहैसे हमसब कहियो हरेस नै खाइचियै। अपनासबके सारिरीक बल घटैत ज्‍यारहलछै, तैयो अपनासबके भितरी आत्‍मिक बल दिन-दिने लया हैत ज्‍यारहलछै।

२ कोरन्‍थी 5:9

ओहैसे हमसब चाहे देहमे या चाहे देहसे अलग रैहके, ओकरा खुसी बनाबैके हमरासबके लक्‍छ चियै।

२ कोरन्‍थी 6:5

हमसब पिटाइ खेने चियै, जहलमे परल चियै, हुलदङ्‍गामे परलचियै। एकदमसे मेहनत करैचियै, सुतैयोले नै पाबनेचियै आ भुखे पियासेमे परल चियै।

गलाती 6:2

एक-दोसरके भार उठा। अहिनङ कैरके तुसब खिरिस्‍टके आग्‍या पुरा करबिही।

गलाती 6:9

भलाइ करैले नै थाक, कथिलेत अइमे लागल रहबिही त, ठिक समयमे तकर कटनी करबिही,

फिलिप्‍पी 2:16

जिबन दैबला बचनके पकैरके राख। ओनङ करबिही त हमर करल मेहनत आ परिसरम बेरथ नै भेलै कैहके खिरिस्‍टके दिनमे हमरा गर्‌भ करैके मौका भेटतै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

कलस्‍सी 1:11

परमेस्‍वरके महिमीत सक्‍ती तोरासबके बलगर बनाबे कैहके हमरासबके परथना छै, तब मातरे तुसब अस्‍थिर भ्‍याके सब चिज आनन्‍दसे सहन करैले सकबिही।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

१ थेसलोनिकी 2:9

भाइसब, हमरासबके कस्‍ट आ मेहनत तोरासबके थाहे छौ। तुसब परमेस्‍वरके सुसमाचार सुनाइबखत ककरो उपर भार नै परौक कैहके हमसब आपन खर्‌च-बर्‌च करैले दिन-रात खैटके काम करलियै।

१ थेसलोनिकी 5:12

हे हमर भाइसब तोरासबके हमसब आगरह करैचियौ कि जतहेक लोकसब तोरासबके बिचमे परभुके काम दिनरात एक कैरके मेहनत करैबला आ सर-सल्‍लाह दैबला अगुवासब चियौ, ओइसबके आदर कर।

२ थेसलोनिकी 3:13

देख हमर भाइसब, भलाइके काम करैले कहियो नै थाक।

२ थेसलोनिकी 3:5

तोरासबके हिरदय परमेस्‍वरके परेमके बुझैले आ खिरिस्‍टके जखा सहैबला सक्‍ती परभु देबे।

२ थेसलोनिकी 3:8

हमसब बिना टकाके ककरो खाइबला चिज नै खेलियै। बल्‍की दिन-रात दुख सहैत आ पसेना चुबाइत मेहनत करलियै ताकि तोरासबमेसे ककरो उपर भार नै परे।

१ तिमोथी 4:10

ओहै कारनसे हमसब एकदम मेहनत करैचियै आ हरदम सङघरसमे लागल रहैचियै। कथिलेकी अपनासबके आसा जिबित परमेस्‍वरमे छै। परमेस्‍वर सब मानब जातीके आ खास कैरके बिस्‍बासीके मुक्‍तीदाता चियै।

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

हिबरु 10:36

परमेस्‍वरके इक्‍छा पुरा करनाइ आ ओकर परतिग्‍या करल बात पाबैके लेल तोरासबके अस्‍थिर रहैये परतौ

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

हिबरु 13:13

ओहैलेल अपनोसब सहरसे बाहर येसु लग चल आ ओकरे जखा अपनोसब अपमान सह।

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

हिबरु 6:12

तुसब कोढिया नै बन, महज एहैन लोक जखा बन, जे बिस्‍बास आ धिरजसे परतिग्‍या करल चिज पाबैछै।

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।