परकास 2:14 - मध्‍य पुरविया थारू

¹⁴ महज तोरासबके बिरोधमे हमरसङे कुछ बातसब छै, कथिलेकी तोरासबमेसे कोइ कोइ एहेनछै, जे बालामके सिक्‍छा मानैछै। मुरुतिके चरहाल चिज आ बेबिचार कैरके इजराएली लोकसबके पापमे फसाइके लेल बालाम बालक रजाके सिखाइने छेलै।

परकास 2:14 Iomraidhean Croise

२ पतरुस 2:15

उसब सिधा रस्‍ता छोइरके बओरके बेटा बालामके चलैबला बाटमे चलैछै, जे खराब काम कैरके रुपैया कमाबैके दाउमे छेलै।

परकास 2:20

महज तोहर बिरोधमे हमरा यि कहैकेछै कि, तु इजबेल कहाइबली जनीके सहन करैचिही। जे आपनेके अगमबादिनी कहैछै आ आपन सिक्‍छासे हमर सेबकके भरमाके बेबिचार करैले आ मुरतिपुजामे चरहाल चिज खाइले सिखाबैछै।

यहुदा 1:11

ओइसबके खातिर यि कतहेक डर हैबला बात चियै। उसब कयिनके देख्‍याल रस्‍ता चल्‍लै। पैसाके खातिर बलामके करलहा अधलाह कामके रस्‍ता गेलै तब उसब कोरह जखा बिरोध करल्‍कै आ उसब ओकरे जखा नास हेतै।

परेरित 15:29

आब मुल बातसब एह्‍या चियै- मुरुतके चरहौवा खाइबला कोनो चिज नै खो, कुछोके लहु, कन्‍ठ किचके मारल पसुके मौस नै खो, बेबिचारसे अलग भ्‍याके रह, यि बातसबके पालन करबिही त तोरासबके लेल असल हेतौ। तोरासबके भलाइ हेबे। बिदा।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

परेरित 21:25

गैर-यहुदीसब जे येसु खिरिस्‍टमे बिस्‍बास करने छै, उसब मुरतिके चरह्‍याल चिज, लहु, घेच दाइबके मारल पसुके मौस नै खाइले आ अनैतिक देहके समबन्‍धमे अलग रहैले परतै कैहके हमसब आपन निरनय लिखके पठादेने चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

१ कोरन्‍थी 7:2

बेबिचारमे फसैबला अबस्‍था अनेक भेलाके कारन सब पुरुख लोकके आपन-आपन घरबाली हेबे आ सब जनिके आपन-आपन घरबला हेबे।

मतीके लिखल सुसमाचार 18:7

“पापमे फसाइबला सन्‍सारके लोकसबके धिक्‍कार! सन्‍सारमे पाप करैबला जाँचसब त अबस्‍य आबैछै, महज धिक्‍कार उ लोकके, जकरसे पाप करैबला परिक्‍छा आबैछै!

रोमी 14:21

यदि तोहर भाइके तोहर खाइबला मासु, तोहर पियैबला निसा चिज या तोहर करैबला औरो कोनो कामसे समस्‍या लाबैछैत, तोरा ओइसबके छोरनाइ असल हेतौ।

रोमी 14:13

ओहैसे अपनासब एक-दोसरके दोस नै लगा। बरु अपनासब आपन भाइके ठेस लागैबला या बाधा दैबला काम कहियो नै करबै कैहके अठोट कर।

परकास 2:4

महज तोरासबके बिरोधमे हम यि कहैचियौ कि, तुसब हमरा पहिनेके करल परेम जखा अखैन करैले छोरने चिही।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

रोमी 11:9

रजा दाउद सेहो ओहिनङे कहैछै, “ओइसबके भोज-भात ओकरेसबके लेल फन्‍हा आ जाल बने, ओकरेसबके ठेस लागैबला आ दन्‍डके कारन बने।

रोमी 9:32

कथिले नै सक्‍लै? कथिलेत इजराएलीसब बिस्‍बास नै कैरके धरम-करमसे मातरे परमेस्‍वरके नजरमे धरमी ठहरैले ताकल्‍कै। तैल्‍याके बिस्‍बास नै करैबला आ धरम-करम मातरे करैबलाके लेल येसु खिरिस्‍ट ठेस लागैबला पथल भेलै।