परकास 17:3 - मध्‍य पुरविया थारू

³ तब हम पबितर आत्‍मासे भरलियै आ स्‍वरगदुत हमरा उजार जगहमे ल्‍यागेलै। ओते हम लाल रङके जानबरके उपरमे एकटा जनीके बैठल देखलियै। उ जानबरके सातटा मुरी आ दसटा सिङ छेलै आ ओकर पुरे देहमे परमेस्‍वरके निन्‍दा करैबला नामसब लिखल छेलै।

परकास 17:3 Iomraidhean Croise

मतीके लिखल सुसमाचार 27:28

उसब येसुके पिन्‍हल बस्‍तर निकाइलके रजासब पिन्‍हैबला बैजनी रङके बस्‍तर पिन्‍हादेल्‍कै।

परेरित 8:39

महज जब उसब पानीसे बाहर निकललै तखुन्‍ते परभुके आत्‍मा फिलिपके दोसर जगह ल्‍यागेलै आ उ मुन्‍सी फिलिपके फेनो नै देखल्‍कै। उ खुसीसे गद-गद हैत आपन बाटमे बरहैत गेलै।

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

परकास 1:10

परभुके दिनमे हम पबितर आत्‍मासे भरलछेलियै आ हमर पछा दिसन एकटा तुरहीके जखा अबाज हम अनङ कहैत सुनलियै।

परकास 12:14

अजेगरसे बचैले उ जनीके उजार जगहमे जाइके लेल गरुरके दुइटा डेन देनेछेलै। ओते ओकर खातिर सारहे तिन बरिस तलिक पालन-पोसन करलजेतै।

परकास 12:3

तकरबाद अकासमे औरो एकटा अचमके चेन्‍हा देखा परलै, ओकर सातटा मुर आ दसटा सिङ भेल्‍हा एकटा बरका लाल अजेगर छेलै। ओकर सातटा मुरमे सातटा मुकुट रहै।

परकास 12:6

तब ओकर माँ उजार जगह दिसन भाग्‍लै, जते एक हजार दुइ सय साइठ दिन तलिक ओकरा पालन-पोसन करैले परमेस्‍वर ठाम तयार करने छेलै।

परकास 17:18

तु जे बेबिचारी जनिके देखलिही उ महानगरी चियै आ सन्‍सारके सब रजासब उपर राज करैछै।”

परकास 17:4

उ जनी बैजनी आ लाल रङके बस्‍तर लगाइने छेलै आ सोना, बहुमुल्‍य रत्‍न आ मोतिसबके गहना-गुरियासे सिङगारल छेलै। ओकर हाथमे सोनाके एकटा बाटी छेलै आ ओइमे बेबिचारके घिनलागैबला असुध चिजसबसे भरल छेलै।

परकास 18:12

ओकरासबके सोना, चानी, रत्‍न, मोती, मलमलके बस्‍तर, बैजनी बस्‍तर, रेस्‍मी आ चमकदार लाल रङके बस्‍तर आ सब किसिमके गमकौवा काठ, हाथीके दातसे बनल चिजसब, निकोसे निक काठ आ कसा, लोहा आ संगमरमरके चिजसब नै किन्‍तै।

परकास 18:16

कहतै, “धिक्‍कार, धिक्‍कार, हे महानगरी, मलमलके असल बस्‍तर, बैजनी आ चमकदार लाल बस्‍तर लग्‍याके सोना, बहुमुल्‍य रत्‍न आ मोतिके गहनासे सिङारल छेलै।

परकास 21:10

तकरबाद हम पबितर आत्‍मासे भरपुर भेलियै आ स्‍वरगदुत हमरा बरका आ उच पहारमे ल्‍यागेलै। तब स्‍वरगदुत हमरा स्‍वरगमे रहैबला परमेस्‍वरसे निचा दिसन खसैत पबितर सहर यरुसलेम देखाइल्‍कै।

परकास 4:2

हम तुरन्‍त परमेस्‍वरके आत्‍मासे भरलियै। स्‍वरगमे एकटा सिंहासन रहै आ ओइमे एक गोरा बैठल छेलै।