परकास 17:1 - मध्‍य पुरविया थारू

¹ तब सात बाटी लेल सात स्‍वरगदुतमेसे एक गोरे हमर लगमे आइबके कहल्‍कै, “एते या, हम तोरा नाम चलल बेबिचारनी जनीके कनङके सजाय दैछै से देखाइबौ। उ बेबिचारनी जनी समुन्‍दरके पानी उपरमे रहैछेलै।

परकास 17:1 Iomraidhean Croise

लुका 24:32

उसब आपनमे बात करैत कहल्‍कै, “उ अपनासबके सङे बाटमे बातचित करैतखिना आ धरमसास्‍तरके अरथ खोइलदैतखिना कि अपनासबके मन खुसीसे गद-गद भेल नै रहौ?”

लुका 9:30

तब ओकरलग दुइटा लोक परगट भेलै आ ओकरसे बात करे लाग्‍लै। उसब मोसा आ एलिया रहै।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

परकास 15:1

अकासमे हम फेनसे एकटा औरो महान आ अदभुतके चेन्‍हा देखलियै। सातटा स्‍वरगदुतसब एक एकटा बिपत बोक्‍ने छेलै। उ त परमेस्‍वरके करोधके सातटा आखिरी बिपत चियै।

परकास 16:19

तब उ सहर टुकरा-टुकरा भ्‍याके तिन भाग भेलै आ सब देसके सहरसब नास भेलै। परमेस्‍वरके महान बेबिलोनके याद एलै आ आपन करोधसे भरल मध बाटीसे ओकरा पियैले देल्‍कै।

परकास 18:1

तकरबाद हम स्‍वरगसे बरका अधिकार भेल एकटा दोसर स्‍वरगदुतके निचा आबैत देखलियै। ओकर चमकसे पुरे पिरथिबी इजोत भेलै।

परकास 19:2

कथिलेत ओकर नियाइ सत आ ठिक छै। पुरे पिरथिबीके आपन बेबिचारसे बिगारैबाली नाम चलल बेबिचारनी जनीके ठिक सजाय देनेछै आ उ आपन सेबकसबके लहुके बदला ओहैसे लेनेछै।”

परकास 19:9

तब स्‍वरगदुत हमरा अनङ कहल्‍कै, “यि लिख, उसब धैनके चियै, जेसब थुमाके बियाहके नौता पाबल्‍कै।” उ हमरा फेनसे कहल्‍कै, “एह्‍या परमेस्‍वरके सत बचनसब चियै।”

परकास 21:15

हमरसङे बोलैबला स्‍वरगदुतके हाथमे उ सहर, ओइके केबार आ दबाल नापैबला एकटा सोनाके लगी छेलै।

परकास 21:9

तब उ सात अन्‍तिम बिपतीसे भरल सातटा बाटी बोकैबला सातटा स्‍वरगदुतमेसे एक गोरे हमरा आइबके कहल्‍कै, “अते या, हम तोरा कनिया देखेबौ, जे थुमाके घरबाली चियै।”

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”