परकास 16:6 - मध्‍य पुरविया थारू

⁶ कथिलेत उसब अहाँके पबितर जनसब आ अगमबक्‍तासबके लहु बहेनेछै तब ओकरासबके अहाँ लहुवे पियैले देलियै। ओइसबके अनङ सजाय पाबनाइ उचित छै।”

परकास 16:6 Iomraidhean Croise

मतीके लिखल सुसमाचार 7:2

कथिलेत जहिनङ तुसब दोसरके दोसी ठहरेब्‍ही तहिना तुहुसब दोसी ठहर्‌याल जेब्‍ही। जै नापजोखसे तुसब दोसरके देबही ओहै नापजोखसे तुहुसब पाबबिही।

लुका 12:48

महज मालिकके इक्‍छा थाहे नै होके खराब काम करैबला नोकरके कम सजाइ देतै। जकरा बहौतरा देनेछै, ओकरसे बेसीये माङल जाइछै आ जकरा जतेहेक बेसीसे जिमा देल रहैछै तकरा औरो बेसीसे घुम्‍याके दैले परैछै।”

हिबरु 10:29

तुसब आपने बिचार कर, परमेस्‍वरके बेटाके अनादर करैबला, आपनेके पबितर बनाइबला करारके लहुके अपबितर करैबला आ अनुगरह दैबला पबितर आत्‍माके अपमान करैबला लोक औरो बरका सजाय पाबतै।

परकास 11:18

जाती जातीके लोकसब करोधसे भरलछै, महज आब अहाँके आपन करोध देखाबैबला समय एलछै, मरलहासबके नियाय करैबला समय एलछै आ अहाँके सेबकसब, अगमबक्‍तासब आ पबितर जनसब आ अहाँके डर मानैबला छोट-बरका सबके इनाम दैबला समय आ पिरथिबीके बिनास करैबलासबके नास करैके समय एलछै।”

परकास 13:10

यदि कोनो लोक कैदके लेल छै त ओकरा कैद कैरके ल्‍याजेतै आ कोनो लोकके तरबारसे मारैके छै त उ साँचोके तरबारेसे मारल जेतै। तैल्‍याके परमेस्‍वरके लोकसबमे सहैके सक्‍ती आ बिस्‍बास हेबेपरतै।

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

परकास 18:20

हे स्‍वरगमे भेल्‍हासब, उ सहर नास भेलासे खुस हो। हे परमेस्‍वरके पबितर जनसब, परेरितसब आ अगमबक्‍तासब सबकोइ आनन्‍द मना! कथिलेत तोरासबके सताबैके कारन परमेस्‍वर ओकर नियाय करने छै।

परकास 18:24

बेबिलोन सहर दन्‍ड पाबने छै कथिलेत पिरथिबीके अगमबक्‍तासब, परमेस्‍वरके पबितर जनसब आ पिरथिबीमे मारलगेलसबके लहु ओह्‍या सहरमे बह्‍याल छेलै।

परकास 19:2

कथिलेत ओकर नियाइ सत आ ठिक छै। पुरे पिरथिबीके आपन बेबिचारसे बिगारैबाली नाम चलल बेबिचारनी जनीके ठिक सजाय देनेछै आ उ आपन सेबकसबके लहुके बदला ओहैसे लेनेछै।”