परकास 14:1 - मध्‍य पुरविया थारू

¹ तब हम सियोन पहारमे थुमा ठारभेल देखलियै। ओकरसङे एक लाख चौबालिस हजार लोकसब छेलै, जकरासबके कपारमे ओकर नाम आ ओकर पिताके नाम लिखल छेलै।

परकास 14:1 Iomraidhean Croise

लुका 12:8

“हम तोरासबके कहैचियौ, जेसब हमरा लोकसबके सामने परभु कैहके सुइकार करतै, ओकरा मानबोके बेटा परमेस्‍वरके स्‍वरगदुतसबके सामने सुइकार करतै।

रोमी 9:33

खिरिस्‍टके बारेमे परमेस्‍वरके कहल बात पबितर धरमसास्‍तरमे अनङ लिखल छै, “देख, हम सियोनमे एकटा ठेस लागैबला पथल राखने चियै आ जैमे बहुतो लोक ठेसके खैसपरतै, महज ओकरमे बिस्‍बास करैबलासब लाजमे नै परतै।”

परकास 14:14

तब हम एकटा उजर बादल आ ओइ बादलमे मानबके बेटा जखा एकटा लोक बैठल देखलियै। जकर मुरीमे सोनाके मुकुट छेलै आ हाथमे एकटा चोख हसुवा छेलै।

परकास 14:3

वह्‍या एक लाख चौबालिस हजार लोकसब सिंहासनके अगा आ उ चार जिबित परानी आ धरमगुरुसबके अगा एकटा लया गित गाबैछेलै। ओइसबके पिरथिबीसे मोल तिरके छोरेने छेलै। ओइसबके बाहेक कोइ नै उ गित सिखैले सकैछेलै।

परकास 15:5

तकरबाद हम स्‍वरगमे रहल साक्‍छीके पबितर पालके मन्‍दिर उघारल देखलियै।

परकास 22:4

उसब परमेस्‍वरके चेहरा देख्‍तै आ ओकर नाम ओइसबके कपारमे लिखल रहतै।

परकास 3:12

जे जित्‍तै, तकरा हम आपन परमेस्‍वरके मन्‍दिरके एकटा खम्‍हा बनाइबै आ ओतेसे उ कहियो नै बाहर निकल्‍तै। हम ओकरामे परमेस्‍वरके नाम आ हमर परमेस्‍वरके सहरके नाम अरथात स्‍वरगसे निचा आबैबला यरुसलेम लिख्‍बै तब ओइमे हमर आपन लया नाम सेहो लिख्‍बै।’

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”

परकास 6:8

हम पियर रङके घोरा देखलियै जैमे सबार हैबलाके नाम “मिरतु” छेलै आ पताल ओकर पछा-पछा छेलै। ओकरा तलबार, अकाल, महामारी आ पिरथिबीके जङलिया जानबरके दुवारा पिरथिबी एक चौथाइके नास करैके अधिकार परमेस्‍वर देल्‍कै।