परकास 13:1 - मध्‍य पुरविया थारू

¹ हम समुन्‍दरके बालु उपर ठारभेल छेलियै तकरबाद समुन्‍दरसे निकैलके आबैत एकटा जानबर हम देखलियै। उ जानबरके दसटा सिङ आ सातटा मुरी छेलै आ सब सिङमे एकटा-एकटा मुकुट छेलै आ ओकर सब मुरीमे परमेस्‍वरके अपमान करैबला नाम लिखल छेलै।

परकास 13:1 Iomraidhean Croise

परकास 11:7

उसब आपन गबाही दैबला काम ओरेलाकेबाद नरकसे निकैलके एल उ जानबर ओकरासबसे लराइमे जितके ओकरासबके जानसे माइरदेतै।

परकास 12:3

तकरबाद अकासमे औरो एकटा अचमके चेन्‍हा देखा परलै, ओकर सातटा मुर आ दसटा सिङ भेल्‍हा एकटा बरका लाल अजेगर छेलै। ओकर सातटा मुरमे सातटा मुकुट रहै।

परकास 13:11

तकरबाद हम पिरथिबीसे निकलैत दोसर एकटा जानबर देखलियै। जकरा थुमा जखा दुइटा सिङ छेलै आ ओकर बोली अजेगर जखा छेलै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

परकास 15:2

हम आइगसङे मिलल सिसाके समुन्‍दर जखा देखलियै। ओते जानबर, ओकर मुरतिमे आ ओकर नामके सङख्‍यामे बिजय पाबैबला लोकसब छेलै। उसब आपन हाथमे परमेस्‍वरके देल बिना लके सिसाके समुन्‍दरके कातमे ठारभेल छेलै।

परकास 16:13

तब हम अजेगरके मुहसे, जानबरके मुहसे आ झुठा अगमबक्‍ताके मुहसे बेङ जखा तिनटा असुध आत्‍मासबके निकलैत देखलियै।

परकास 17:16

तु जे जानबर आ दसटा सिङके देखलिही, उ ओइ बेबिचारनी जनिके घिरना करतै। उसब ओकर सब चिज लुइटके नङटे बनाइतै आ ओकर मासु खेतै आ ओकरा आइगसे नास कैरदेतै।

परकास 17:3

तब हम पबितर आत्‍मासे भरलियै आ स्‍वरगदुत हमरा उजार जगहमे ल्‍यागेलै। ओते हम लाल रङके जानबरके उपरमे एकटा जनीके बैठल देखलियै। उ जानबरके सातटा मुरी आ दसटा सिङ छेलै आ ओकर पुरे देहमे परमेस्‍वरके निन्‍दा करैबला नामसब लिखल छेलै।

परकास 17:5

ओकर कपारमे एक रहसमय नाम लिखल छेलै, “महान बेबिलोन, सन्‍सारके बेबिचारनी आ अधलाह काम करैबलासबके महताइर चियै।”

परकास 19:19

तब हम उ जानबर आ सन्‍सारके रजासबके आपन-आपन सिपाहीसब ल्‍याके, घोरामे सबार भेल आ ओकर सेनासबके बिरोधमे लराइ करैले एक ठाम जम्‍मा भेल देखलियै।