परकास 11:9 - मध्‍य पुरविया थारू

⁹ सारहे तिन दिनतक हरेक देस, कुल, भसा आ जातीके लोकसब ओकरासबके लहास देखतै महज ओकरासबके लहासके गारैले नै देतै।

परकास 11:9 Iomraidhean Croise

मतीके लिखल सुसमाचार 7:2

कथिलेत जहिनङ तुसब दोसरके दोसी ठहरेब्‍ही तहिना तुहुसब दोसी ठहर्‌याल जेब्‍ही। जै नापजोखसे तुसब दोसरके देबही ओहै नापजोखसे तुहुसब पाबबिही।

परकास 10:11

तब हमरा अनङ हुकुम भेलै, “तोरा बहुत लोकसबके, बहुत जातीसबके, बहुत भसा आ बहुत रजासबके बारेमे अगमबानी फेनसे सुनाइले परतौ।”

परकास 11:11

महज सारहे तिन दिनके बाद परमेस्‍वरसे जिबनके साँस ओकरासबमे ढुकलै आ उसब आपन टाङमे ठार भेलै, तब ओकरासबके देखैबलासबके बरका डर भेलै।

परकास 13:7

उ परमेस्‍वरके लोकसबसङे लराइ करैके आ ओइसबके जितैके अधिकार पाबनेछेलै। सब कुल, देस, भसा आ जाति उपर अधिकार करैले देने छेलै।

परकास 17:15

तब स्‍वरगदुत हमरा कहल्‍कै, “तु जे बेबिचारनी जनीके समुन्‍दरके पानी उपर बैठल देख्‍ने छेल्‍ही, उ त देससब, भिरसब, जातीसब आ भसासब चियै।

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।