परकास 1:7 - मध्‍य पुरविया थारू

⁷ देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परकास 1:7 Iomraidhean Croise

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

मतीके लिखल सुसमाचार 16:28

साँचेके, हम तोरासबके कहैचियौ, अते ठार भेलमेसे कतहेक लोकसब जाबेतक मानबके बेटाके आपन राजमे आबैत नै देखतै ताबेतक नै मरतै।”

मतीके लिखल सुसमाचार 24:30

“तकरबाद मानबके बेटा आबैके चेन्‍हा अकासमे देखा परतै। पिरथिबीके सब जातीसब कना रोहैट करतै आ मानबके बेटाके बादलमे सक्‍ती आ बरका महिमाके सङे आबैत देखतै।

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मरकुस 13:26

तकरबाद लोकसब मानबके बेटाके सक्‍ती आ महिमासङे बादलमे आबैत देखतै।

मरकुस 14:62

तब येसु कहल्‍कै, “हँ, हम चियै। एक दिन अहाँ मानबके बेटाके महान परमेस्‍वरके देहना हाथ कातमे बैठल आ अकाससे बादलके सङे आइबरहल देखबिही!”

लुका 21:27

तकरबाद मानब पुतरके सक्‍ती आ महामहिमासङे बादलमे आबैत उसब देख्‍तौ।

युहन्‍ना 19:34

महज सिपाहीसबमेसे एक गोरे ओकर कोइखमे भला भोकल्‍कै आ तखुन्‍ते लहु आ पानी निकल्‍लै।

युहन्‍ना 19:37

आ फेनो दोसर ठाममे धरमसास्‍तर कहैछै, “जकरा उसब भोकल्‍कै, तकरा उसब देख्‍तै।”

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ थेसलोनिकी 4:17

तब हमसब जिबित भेल्‍हासब परभुके अकासमे भेटैले ओइसबके सङे-सङे बादलमे उठ्‍याल ज्‍याब आ सबदिन हमसब परभुसङे रहब।

हिबरु 10:29

तुसब आपने बिचार कर, परमेस्‍वरके बेटाके अनादर करैबला, आपनेके पबितर बनाइबला करारके लहुके अपबितर करैबला आ अनुगरह दैबला पबितर आत्‍माके अपमान करैबला लोक औरो बरका सजाय पाबतै।

हिबरु 6:6

लोक भ्‍याके परमेस्‍वरके छोइरके जाइबलासबके पस्‍चाताप करैले लग्‍याके परमेस्‍वर दिसन घुमाइले नै सक्‍तै, कथिलेकी एहैन लोक परमेस्‍वरके बेटाके फेनसे कुरूसमे टाङतै आ सबके अगा खुलम-खुल्‍ला ओकरा अपमान करतै।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

यहुदा 1:14

आदमसे सातम पुस्‍ताके हनोक यि लोकसबके बारेमे एहेन अगमबानी कहनेरहै, “देख, हजारो-हजार पबितर स्‍वरगदुतसब सङे परभु आबैछै।

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!

परकास 22:4

उसब परमेस्‍वरके चेहरा देख्‍तै आ ओकर नाम ओइसबके कपारमे लिखल रहतै।