परकास 1:2 - मध्‍य पुरविया थारू

² युहन्‍ना आपनसे देखल सब बात लिख्‍नेछै। उ परमेस्‍वरके बचन आ येसु खिरिस्‍टके देख्‍याल सत बातके गबाही अइ किताबमे लिखनेछै।

परकास 1:2 Iomraidhean Croise

युहन्‍ना 1:32

युहन्‍ना अहिनङ कहैत गबाही देल्‍कै, “हम परमेस्‍वरके आत्‍माके पौरकीके रुपमे स्‍वरगसे उतैरके ओकर उपर बैठल देखलियै।

युहन्‍ना 12:17

ओइ बखत यरुसलेममे बहुतो लोकसब छेलै, जे-जे येसु लाजरसके चिहानसे बाहर बोल्‍याके मिरतुसे जिबित कैने देखल्‍कै, उ सब औरोसबके अइ घटनाके बारेमे बताइत रहलै।

युहन्‍ना 19:35

जे कोइ यि घटना देखल्‍कै से कोइ ओकर गबाही देनेछै आ ओकर गबाही सत छै। उ जानैछै कि उ सत बोलैछै ताकि तुसब बिस्‍बास कर।

युहन्‍ना 21:24

यि ओह्‍या चेला चियै, जे यि सब बातके बारेमे गबाही द्‍यारहलछै। ओह्‍या यि लिखने छै आ ओकर गबाही सत छै कैहके हमसब जानैचियै।

युहन्‍ना 3:11

साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

परेरित 22:15

कथिलेत तु आपन आँखसे देखल आ कानसे सुनल सब बात लोकसबके अगा ओकर गबाही हेबे परतौ।

परेरित 26:16

आब उठ! आपन टाङ पर ठार हो, हम तोरा दरसन अइलेल देलियौ जे हम तोरा सेबक आ हमर गबाही दैबला लोक बनाबी आ जे कुछो हमर बिसयमे देखने चिही आ जे कुछो हम तोरा देखाइबौ ओकर तु साक्‍छी हेब्‍ही।

परेरित 4:20

कथिलेत जे बात देखने चियै आ सुनने चियै हमसब नै कैहके नै रहे सक्‍बै।”

१ कोरन्‍थी 1:6

अहिनङ खिरिस्‍टके बारेमे हमरासबके कहल बात सत चियै कैहके अहैसे परमेस्‍वर तोरासबमे परमानित करल्‍कौ।

१ कोरन्‍थी 2:1

हे हमर भाइ-भैयासब, हम तोरासबके लग परमेस्‍वरके बारेमे गबाही दैले आबैतखिना बरका-बरका बातसब आ बुइधके धाख नै देखेलियौ।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

३ युहन्‍ना 1:12

डेमेतिरियसके बारेमे सबलोक असल गबाही दैछै आ उ सतमे चलैछै से बात ओकर जिबनसे सत आपनेसे साक्‍छी देनेछै। हम्‍हुसब ओहै बातके गबाही दैचियै आ तुसब जान्‍बे करैचिही कि, अपनासबके गबाही सत छै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

परकास 1:19

अहै खातिर तु जे देखैचिही से लिख। अखन आ पाछु आबैबला सब घटना लिख।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 12:11

थुमाके लहुसे, ओकरासबके घोसना करल सत बचनसे आ जान तलिक दैले उसब तैयार भेलाके कारन अपनासबके भाइ-भैयासब ओकरा जितनेछै।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

परकास 22:21

परभु येसुके अनुगरह तोरासबसङे रहे! आमेन।

परकास 6:9

तकरबाद थुमा पाँचम लाहटके तोरल्‍कै, तब बेदीके निचा हम ओइसबके आत्‍मासबके देखलियै, जकरा परमेस्‍वरके बचन सुनेलाके खातिर आ ओकर बारेमे गबाही देलाके खतिर काइटके मुवाइने छेलै।