परकास 1:16 - मध्‍य पुरविया थारू

¹⁶ ओकर दहिना हाथसे सातटा तरा पकरने रहलै आ ओकर मुहसे चोखगर दुधारके तलबार निकलल छेलै। ओकर चेहरा दुपहरके सुरुजके रौद जखा चम्‍कैत छेलै।

परकास 1:16 Iomraidhean Croise

मतीके लिखल सुसमाचार 17:2

चेलासबके अगारीमे येसुके रुप बदैलगेलै। ओकर चेहरा सुरुज जखा चमके लाग्‍लै आ ओकर बस्‍तर उजर चमकदार भ्‍यागेलै।

परेरित 26:13

हे रजा, हम रस्‍तामे जाइत खिना दुपहरमे स्‍वरगसे एहेन इजोत देखलियै जे सुरुजोके इजोतसे तेज हम आ हमर सङिसबके चारुकातमे चमकलै।

एफिसी 6:17

सिर रक्‍छा करैबला मुक्‍तीके टोपी लगा आ पबितर आत्‍माके तलबार ले, जे परमेस्‍वरके बचन चियै।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

परकास 1:20

हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”

परकास 10:1

तकरबाद हम दोसर सक्‍तिसाली स्‍वरगदुतके स्‍वरगसे निचा उतरैत देखलियै। ओकर देह बादलसे झापल छेलै आ मुरी उपर पैनसोका छेलै। ओकर चेहरा सुरुजके जखा आ ओकर टाङसब आइगके खम्‍हा जखा छेलै।

परकास 12:1

तकरबाद अकासमे एकटा अचमके बरका चेन्‍हा देखा परलै। एकटा जनि देखा परलै, जे सुरुज पिन्‍हने छेलै, जकर टाङके निचामे चान आ मुरमे बारहटा तराके मुकुट लगेने छेलै।

परकास 19:15

जाती-जातीके लोकसबके नास करैले ओकर मुहसे धारबला तलबार निकलल छेलै। उ ओइसबके लोहाके डन्‍टासे सासन करतै आ कोल्‍हुमे अङगुरके रस निकालल जखा सरबसक्‍तिमान परमेस्‍वरके करोध ओइसबके गुन्‍डीमिसान करतै।

परकास 19:21

बाकी लोकसब घोरामे सबार हैबलाके मुहसे निकलल तलबारसे मारलगेलै आ अकासके चिरै-चुरगुनसब ओइसबके मासु अग्‍हा-अग्‍हाके खेल्‍कै।

परकास 2:1

“एफिससमे भेल मन्‍डलीके देख-भाल करैबला स्‍वरगदुतके यि बात लिख: ‘सातटा तरा आपन दहिना हाथमे लैबला आ सातटा सोनाके डैठके बिचमे चलैबला अनङ कहैछै।

परकास 2:12

“परगामममे भेल मन्‍डलीके देख-भाल करैबला दुतके यि लिख, जकरसङे दुइ दिसन धार भेल तलबार छै, उ अनङ कहैछै।

परकास 2:16

ओहै खातिर पापसे पस्‍चाताप कर, नै त हम जल्‍दिए तोरासबलग एबौ आ हमर मुहसे निकलल तलबारसे उ दुस्‍ट काम करैबलासबसङे लराइ करबौ।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।