परकास 1:1 - मध्‍य पुरविया थारू

¹ यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।

परकास 1:1 Iomraidhean Croise

युहन्‍ना 12:49

कथिलेकी हम आपने मनसे नै बाजैचियै महज हम कथी कहबै आ बोल्‍बै तैके आदेस हमरा पठाइबला पिता आपनेसे देने छै।

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

युहन्‍ना 3:32

उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

गलाती 1:12

कथिलेकी हमरा यि कोनो लोकसे नै मिलल छै, नै यि हमरा सिखाइने छेलै, महज येसु खिरिस्‍ट आपनेसे हमरा परकट करने छै।

एफिसी 3:3

परमेस्‍वर आपन भितरी योजना हमरा परकट करने छै। अकर बारेमे हम तोरासबके पैहनिए छोटकरीमे लिखने चियौ।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

परकास 1:19

अहै खातिर तु जे देखैचिही से लिख। अखन आ पाछु आबैबला सब घटना लिख।

परकास 1:9

हम युहन्‍ना, खिरिस्‍टमे तोरासबके भैया चियौ। येसुमे बिस्‍बास करलाके कारन हम तोरासबसङे धिरज होके सहने चियै, जे दुख ओकर राजमे हैबलासबमे सेहो आबैछै। परमेस्‍वरके बचन आ येसु खिरिस्‍टके करल सतके बारेमे परचार करलाके कारन हमरा पत्‍मोस टपुमे कैद कैरके राखने छेलै।

परकास 17:1

तब सात बाटी लेल सात स्‍वरगदुतमेसे एक गोरे हमर लगमे आइबके कहल्‍कै, “एते या, हम तोरा नाम चलल बेबिचारनी जनीके कनङके सजाय दैछै से देखाइबौ। उ बेबिचारनी जनी समुन्‍दरके पानी उपरमे रहैछेलै।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

परकास 19:9

तब स्‍वरगदुत हमरा अनङ कहल्‍कै, “यि लिख, उसब धैनके चियै, जेसब थुमाके बियाहके नौता पाबल्‍कै।” उ हमरा फेनसे कहल्‍कै, “एह्‍या परमेस्‍वरके सत बचनसब चियै।”

परकास 21:2

तब हम परमेस्‍वरसे बरके लेल कनिया जखा सिङगार-पटार करल, अरथात पबितर सहर, लया यरुसलेम, स्‍वरगसे निचा आबैत देखलियै।

परकास 21:9

तब उ सात अन्‍तिम बिपतीसे भरल सातटा बाटी बोकैबला सातटा स्‍वरगदुतमेसे एक गोरे हमरा आइबके कहल्‍कै, “अते या, हम तोरा कनिया देखेबौ, जे थुमाके घरबाली चियै।”

परकास 22:1

तकरबाद स्‍वरगदुत हमरा इस्‍फटिक जखा चमकदार जिबनके पानीके लदी देखल्‍कै। उ लदी परमेस्‍वर आ थुमाके सिंहासनसे निकैलके,

परकास 22:16

“हम येसु, तोरासबलग मन्‍डलीके लेल यि गबाही दैले आपन स्‍वरगदुतके पठाइने चियौ। हम्‍ही दाउद रजाके कुल, सन्‍तान आ अनगुतके चम्‍कैबला तरा चियौ।”

परकास 22:6

तकरबाद उ स्‍वरगदुत हमरा कहल्‍कै, “यि बचन बिस्‍बासयोग्‍य आ सत छै। अगमबक्‍तासबके पबितर आत्‍मा दैबला परभु परमेस्‍वर आपन सेबकसबके आब जल्‍दिए हैबला घटनासब देखाइके लेल स्‍वरगदुतके पठाइल्‍कै।”

परकास 22:8

हम युहन्‍ना, यि सब बात सुन्‍ने आ देखने चियै। जब हम यि बात सुनलियै आ देखलियै, तब हम यि बात देखाइबला स्‍वरगदुतके अगामे ठेङहुनिया द्‍याके आराधना करैले खोजलियै।

परकास 22:9

महज उ हमरा कहल्‍कै, “हमरा आराधना नै कर। हम त तोहर आ अगमबानी बोलैबला तोहर भाइ-भैया आ यि किताबके बचन पालन करैबलासब जखा परमेस्‍वरके सेबक मातरे चियै। परमेस्‍वरके मातरे आराधना कर!”

परकास 4:1

तकरबाद हम दोसर दरसन देखलियै आ स्‍वरगमे एकटा केबार खुलल देखलियै। हमर सुनल पहिन्‍का अबाज तुरहीके जखा आबाजमे हमरसङे अनङ बोलैत सुनलियै, “अते उपर या, तकरबाद हैले आबैबला बात हम तोरा देखाइबौ।”

परकास 5:7

थुमा अगा जाके सिंहासनमे बैठलहाके दहिना हाथसे उ कागतके मुठा लेल्‍कै।