फिलिप्‍पी 4:12 - मध्‍य पुरविया थारू

¹² चाहे अभाब हेबे चाहे परसस्‍त हेबे कनङके जिबन चलाइबै से बात हम सिखने चियै। अघाएलमे हेबे या भुखाएलमे हेबे, भरपुरीमे हेबे या कमीमे हेबे, कोनोभी परिस्‍थितीमे सन्‍तुस्‍ट रहैले हम सिखने चियै

फिलिप्‍पी 4:12 Iomraidhean Croise

मतीके लिखल सुसमाचार 11:29

हमर जुवा आपन उपर उठा आ हमरसे सिख, कथिलेत हम दयालु आ नरम हिरदयके चियौ, तब तोरासबके आत्‍माके बिसराम मिल्‍तौ।

मतीके लिखल सुसमाचार 13:52

तब येसु फेनो ओइसबके कहल्‍कै, “अहै खातिर स्‍वरगके राजके बारेमे जानकार भेल्‍हा हरेक धरमगुरु एकटा घरके मालिक जखा चियै, जे आपन बखारीसे लबका आ पुरन्‍का अनमोल चिजसब निकाइल सकैछै।”

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

२ कोरन्‍थी 10:10

कतहेक लोक कहैछै, “पावलके चिठीसब गम्‍भीर आ करा हैछै, महज उ आपने हैतकाल कमजोर हैछै आ ओकर बोली कोनो महत्‍वके नै हैछै।”

२ कोरन्‍थी 11:27

हम कतहेक रात नै सुइतके खुब मेहनत करलियै। हम बहौत बेर खाना बिना भुखे पियासे रहलियै आ बस्‍तर नै भेलासे जारसे कठुवाइलियै।

२ कोरन्‍थी 11:7

तोरासबके बरका बनाबैके लेल हम आपनके छोट बैनके परमेस्‍वरके सुसमाचार फोकटमे सुनाइलियौ त कि हम पाप करलियै?

२ कोरन्‍थी 11:9

तोरासबसङे रहैतकाल जब हमरा घटि-कमी भेलै, तब हम ककरो बोझ नै बनलियै, कथिलेकी माकेडोनिया परदेससे एल भाइसब हमर घटि-कमी पुरा करल्‍कै। हम तोरासबके बोझ पैहनियो नै रहलियौ आ पाछुवो नै हेबौ।