फिलिप्‍पी 4:11 - मध्‍य पुरविया थारू

¹¹ हमरा खाचो परलै कैहके नै कहैचियौ, कथिलेकी चाहे कोनोभी परिस्‍थितीमे हेबे हम सन्‍तुस्‍ट रहैले सिखने चियै।

फिलिप्‍पी 4:11 Iomraidhean Croise

लुका 3:14

सिपाहीयोसब पुछल्‍कै, “हमरासबके कथी करेपरतै?” युहन्‍ना ओकरासबके कहल्‍कै, “तुसब ककरोसे जबरजस्‍ती कैरके आ झुठा आरोप लग्‍याके एको टका बेसी नै उठा। बरु आपने कमाइमे सन्‍तुस्‍ट रहैजाइजो।”

२ कोरन्‍थी 11:27

हम कतहेक रात नै सुइतके खुब मेहनत करलियै। हम बहौत बेर खाना बिना भुखे पियासे रहलियै आ बस्‍तर नै भेलासे जारसे कठुवाइलियै।

२ कोरन्‍थी 6:10

सोकमे रहितोपरभी हरसमय आनन्‍दमे रहैचियै। गरिब रहितोपरभी बहुतोके आत्‍मिकी रुपमे धनिक बनाबैचियै। कुछो नै रहितोपरभी हमरासबसङे सब चिज छै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

२ कोरन्‍थी 9:8

परमेस्‍वर तोरासबके हरेक परकारके आसिस परसस्‍त कैरके दैले सक्‍तौ, ताकि तोरासबसङे सबदिन हरेक चिज परसस्‍त हेबे आ हरेक असल कामके लेल तुसब परसस्‍त कैरके दैले सक।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

हिबरु 10:34

तुसब जहलमे परलहा लोकसबके दया देखाइलिही, आपन सम्‍पती लुटलगेलै तैयो खुसिसाथ सहन करलिही, कथिलेकी तुसब जानैछेल्‍ही, कि औरो उतम आ सबदिन रहैबला सम्‍पती आपनेसङे छै।