फिलिप्‍पी 3:20 - मध्‍य पुरविया थारू

²⁰ महज हमसब त स्‍वरगके नागरिक चियै। मुक्‍ती दैबला हमरासबके परभु येसु खिरिस्‍ट स्‍वरगसे एतै कैहके हमसब ओकर बाट ताकैचियै।

फिलिप्‍पी 3:20 Iomraidhean Croise

मतीके लिखल सुसमाचार 19:21

येसु ओकरा कहल्‍कै, “यदि तु साँचेके असल हैले चाहैचिही त, तोहरसङे भेल सब धन-सम्‍पती बेचके गरिबसबके बाइट दहै तब तोरा स्‍वरगमे धन मिल्‍तौ। तब आइबके हमर पछा लाग।”

लुका 12:21

तब येसु फेनो ओकरा कहल्‍कै, “आपन खातिर कतबो धन समपैत जमा कैरले, महज परमेस्‍वरके नजरमे धनिक नै भेल लोकके दसा ऐहनङ हैछै।”

लुका 14:14

तब तुसब आसिस पाबबिही, कथिलेत उसब तोहर गुन घुमाइले नै सक्‍तौ। ताब परमेस्‍वर आपन धरमी जनसब पुनरूथान हैतकाल तोरा इनाम देतौ।”

परेरित 1:11

उसब कहल्‍कै, “ए गालिलके लोक, तुसब कथिले अकास दिसन ताकैत ठडा भेलचिही? येसु त स्‍वरगमे गेलौ, जैहनङ अखुन स्‍वरगमे जाइत देखलिही, ओहिनङ ओकरा फेनो आबैत देखबिही।”

१ कोरन्‍थी 1:7

अपनासबके परभु येसु खिरिस्‍ट फेनसे एतै कैहके बाट ताकैतखिना तोरासबमे कोनो आत्‍मिक बरदानके कमी नै हेतौ।

१ कोरन्‍थी 15:48

पिरथिबीके लोकसब माटीसे बनल पहिल्‍का लोक जखा हैछै। तहिनङे स्‍वरगके लोकसब स्‍वरगसे एल लोक जखा हैछै।

२ कोरन्‍थी 4:18

हमसब देखैबला चिजसबमे नै, महज नै देखैबला चिजसबमे मन लगाइचियै, कथिलेकी जे चिजसब देखैबला छै, उ कुछ समयके लेल मातरे रहैछै, महज जे चिजसब नै देखाइछै उ सबदिनके लेल रहैछै।

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

गलाती 4:26

महज स्‍वरगके यरुसलेम सारा स्‍वतन्‍तर छै आ अपनासब स्‍वतन्‍तर यरुसलेम माँ के बेटा-बेटीसब चियै।

एफिसी 2:19

अहै खातिर तु गैर-यहुदीसब आब बिदेसी आ अनचिन्‍हार नै चिही, महज परमेस्‍वरके जनसङे तुसब एके समुहके नागरिक आ परमेस्‍वरके परिबारके सदससब भेलचिही।

एफिसी 2:6

परमेस्‍वर अपनासबके येसु खिरिस्‍टसङे जिबित कराइल्‍कौ आ ओकरेसङे स्‍वरगिय ठामसबमे राज करैले देल्‍कौ।

फिलिप्‍पी 1:10

ताकि तोरासबमे असल कथी चियै उ छुटयाबैले सक आ खिरिस्‍ट आबैबला दिनमे तुसब सुध आ निरदोस हैले सक।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ थेसलोनिकी 4:16

कथिलेकी परभु जखने हुकुमके अबाज देतै आ परमुख स्‍वरग दुतके अबाज आ तुरहीके अबाज हेतै तखने खिरिस्‍टमे बिस्‍बास कैरके मरलहा लोकसब सबसे पहिने जिबित भ्‍याके उठतै।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

हिबरु 12:22

महज तुसब त सियोन पहार अरथात जिबित परमेस्‍वरके सहर स्‍वरगिय यरुसलेममे एलचिही। जते अनगिन्‍ती स्‍वरगदुतसब आनन्‍द मनाबैछै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!