फिलिप्‍पी 2:25 - मध्‍य पुरविया थारू

²⁵ आपनसबके भाइ, इपाफोरोडिटसके हम तोरासबलग पठाबैके आबसेक देखलियै। हमसब दुनु सङे-सङे काम करलियै आ सुसमाचार सुनाइबला काममे दुख भोगलियै। उ तोरेसबके दुत चियौ, जकरा हमर सहायताके लेल तुसब पठाइने छेल्‍ही।

फिलिप्‍पी 2:25 Iomraidhean Croise

युहन्‍ना 13:16

साँचोके हम तोरासबके कहैचियौ, नोकर आपन मालिकसे बरका नै हैछै, समाद पठाइबलासे समाद आनैबला बरका नै हैछै।

युहन्‍ना 17:18

जहिनङे अहाँ हमरा सन्‍सारमे पठेलियै, तहिनङे हम्‍हु ओइसबके सन्‍सारमे पठाइनेचियै।

रोमी 16:3

हमर सङे-सङे येसु खिरिस्‍टके काम करैबला सङी पिरिस्‍किला आ अकिलासके हमर गोरलगी सुन्‍यादहै।

रोमी 16:9

खिरिस्‍टमे हमरसङे काम करैबला उरबानस आ हमर सङी स्‍ताखुसके सेहो हमर गोरलगी सुन्‍यादहै।

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

२ कोरन्‍थी 2:13

महज हमर बिस्‍बासी भाइ तितस ओते नै भेटलाके कारन हमर मन बेचैन भेलै। तहैलेल ओइसबसे बिदा भ्‍याके हम माकेडोनिया परदेस दिसन गेलियै।

फिलिप्‍पी 2:26

तोरासबके भेटैके ओकर एकदम इक्‍छाछै। उ बिमार परल बात तुसब सुनलासे उ एकदम चिन्‍ता कैररहलछै।

फिलिप्‍पी 4:18

हम पाबैबलासे बेसी पाबनेचियै। इपाफोरोडिटसके हाथसे पठ्‍याल तोरासबके गमगम करैबला, परमेस्‍वरके मनपरैबला आ गरहन योग्‍य भेटी पाइबके हम सन्‍तुस्‍ट भेलचियै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

कलस्‍सी 1:7

एह्‍या बात अपनासबके सङे-सङे सेबा करैबला इपाफरास तोरासबके सिखाइल्‍कौ। उ हमरासबके बदलामे तोरासबके बिचमे खिरिस्‍टके सेबा करैबला बिस्‍बासयोग्‍य भाइ चियै।

कलस्‍सी 4:11

युस्‍तस कहाइबला येसु सेहो तोरासबके गोरलगी पठाइनेछौ। परमेस्‍वरके राज बरहाइले हमरसङे काम करैबला यहुदीमे एह्‍या तिन गोरा मातर चियै। बास्‍तममे यि सब हमरा बहौत साहस देनेछै।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

फिलेमोन 1:24

ओहिनङे कैरके हमरसङे काम करैबला मरकुस, अरिस्‍तारखस, डेमास आ लुका सेहो गोरलगी पठाइनेछौ।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।