फिलिप्‍पी 2:21 - मध्‍य पुरविया थारू

²¹ औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

फिलिप्‍पी 2:21 Iomraidhean Croise

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

लुका 14:26

“हमर पछा आबैबला आपन माँ-बाबु, घरबाली, बेटा-बेटी, भैया-भाइ, दिदी-बहिनसबके आ आपन परानके हमरसे बेसी परेम करैछै त, उ हमर चेला नै बने सक्‍तै।

परेरित 13:13

पावल आ ओकर सङिसब पाफोस सहरसे पानी जहाद चहैरके पामफिलिया इलाकाके परगा सहरमे पहुचलै आ मरकुस कहाइबला युहन्‍ना ओतेसे यरुसलेम घुइमके एलै।

परेरित 15:38

महज पावल मरकुसके सङे लजाइले इन्‍कार करल्‍कै, कथिलेत उ आपन काम पुरा नै कैरके ओइसबके पामफिलियामे छोइरके गेल रहै।

१ कोरन्‍थी 10:24

कोइ आपन मातरे भलाइ नै, बरु दोसरके सेहो भलाइ खोजे।

१ कोरन्‍थी 10:33

हमर करल जखा कर। हम अपना खुस हैबला काम नै करलियै। महज सबकोइ मुक्‍ती पाबे कैहके सब तरहसे सबके भलाइ खोजैचियै।

१ कोरन्‍थी 13:5

परेम हठी नै हैछै, नै जिद्‍दी हैछै। परेम आपने बारेमे मातरे नै सोचैछै, दिक्‍क नै मानैछै आ खराबीके हिसाब नै राखैछै।

२ कोरन्‍थी 1:5

हमसब जतहेक खिरिस्‍टमे दुख भोग्‍बै, ततहेक बहौत परमेस्‍वर अपनासबके खिरिस्‍टसे सान्‍तबना देतै।

फिलिप्‍पी 2:4

तुसब आपने भलाइ नै खोज, महज दोसरके भलाइके सेहो देख।

२ तिमोथी 1:15

तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

२ तिमोथी 3:2

कथिलेत लोक आपन स्‍वारथ मातर देखैबला, पैसा-कौरीके लोभ करैबला, आपनके बरका मानैबला, घमन्‍ड करैबला आ परमेस्‍वरके बिरोध करैबला हेतै। उसब आपन माँ-बापके बात नै मानैबला, असलो कामके खातिर धन्‍यबाद नै दैबला आ अपबितर हेतै।

२ तिमोथी 4:10

कथिलेत डेमास सन्‍सारके मोहमे फैसके हमरा छोइरदेल्‍कै आ थेसलोनिकेमे चैलगेलै। केरसेन्‍स गलातियामे आ तितस दलमातियामे गेलछै।

२ तिमोथी 4:16

पहिन्‍का बेर जखुन हमरा कचहरीमे आपन सफाइ दैले परल छेलै तखुन हमर पक्‍छमे कोइ नै बाज्‍लै। सब गोरे हमरा छोइरदेल्‍कै। यि बातके दोस ओइसबके ककरो नै लागे।