लुका 3:3 - मध्‍य पुरविया थारू

³ युहन्‍ना यरदन लदीमे ज्‍याके चारु दिसरके लोकसबके परचार करे लाग्‍लै, “आपन-आपन पाप माइनके पस्‍चाताव कर आ बप्‍तिस्‍मा ले तब परमेस्‍वर तोरासबके पाप छमा कैरदेतौ।”

लुका 3:3 Iomraidhean Croise

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

लुका 1:16

तब उ बहुत इजराएलीसबके आपन परभु परमेस्‍वरमे बिस्‍बास करैले घुम्‍याके लाबतै।

लुका 1:77

‘कनङके पापसे छमा पाइबके मुक्‍ती पाबबिही’ से बात तु ओकर लोकसबके कहबिही।

लुका 4:1

येसु पबितर आत्‍मासे भरपुर भ्‍याके यरदन लदीसे जब घुम्‍लै तब पबितर आत्‍मा येसुके उजार जगहमे ल्‍यागेलै।

युहन्‍ना 1:28

यि सब बात यरदन लदीके ओहै कात बेथानिया कहैबला ठाममे भेलै, जते युहन्‍ना बप्‍तिस्‍मा दैतरहै।

युहन्‍ना 3:26

उसब युहन्‍ना लग आइबके कहल्‍कै, “गुरु जी, यरदन लदीके ओइपार जे अहाँसङे रहै, जकर बारेमे अहाँ गबाही देने रहियै, से बप्‍तिस्‍मा द्‍यारहलछै आ सब गोरा ओकरे लग जाइछै।”

परेरित 13:24

येसु आपन सेबाके काम सुरु करैसे पैहने बप्‍तिस्‍मा दैबला युहन्‍ना एलै। उ सब इजराएलके सबलोकके आपन-आपन पाप माइनके बप्‍तिस्‍मा लेबे परतौ कैहके परचार करल्‍कै।

परेरित 19:4

तकरबाद पावल ओकरौरके बुझ्‍हाके कहल्‍कै, “युहन्‍नाके सिख्‍याल बप्‍तिस्‍मा पापसे पस्‍चाताव करैबला बप्‍तिस्‍मा चियै। उ लोकसबके कहने छेलै ‘हमरसे पाछे आबैबला येसु खिरिस्‍टमे बिस्‍बास कर।’”

परेरित 22:16

तै खातिर आब कथिले ढिला-सुस्‍ती करैचिही? उठ आ बप्‍तिस्‍मा ले आ येसुके नाम ल्‍याके आपन पापसे सुध हो।’