एफिसी 2:3 - मध्‍य पुरविया थारू

³ अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

एफिसी 2:3 Iomraidhean Croise

मरकुस 4:19

महज दुनियाके चिन्‍ता, धनके मोह आ औरो चिजके ललसा आइबके बचनके दाइब दैछै। तहैले उसब फल नै फराबैछै।

युहन्‍ना 1:13

उसब नै त लहुसे, नै त सारिरीक इक्‍छासे, नै लोकके कोनो इक्‍छासे महज उसब परमेस्‍वरसे आत्‍मिक रुपमे जल्‍मैछै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

परेरित 14:16

बितलहा पुस्‍तामे सब जातीसबके अपने-आपके रितमे चलैले देल्‍कै।

रोमी 1:24

अहैलेल ओकरासबके हिरदयसे चाहना करल बेबिचारमे परमेस्‍वर ओकरासबके छोइरदेल्‍कै आ उसब एक दोसरसङे घिनलागैबला काम कैरके आपन देहके अपबितर बनाइल्‍कै।

रोमी 11:30

पहिने तु गैर-यहुदीसब परमेस्‍वरके आग्‍यापालन नै करैछेल्‍ही, महज आब यहुदीसब आग्‍यापालन नै करला कारनसे परमेस्‍वरके किरपा तोरासबके भेटल छौ।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

रोमी 2:14

गैर-यहुदीसबसङे बेबस्‍था नै छै महज उसब आपने बिबेकसे बेबस्‍था अनुसार करैछै। अइसे यि देखाबैछै कि ओकरासबके हिरदयमे बेबस्‍था छै।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

रोमी 5:9

खिरिस्‍ट बलिदान भ्‍याके आपन लहुसे अपनासबके परमेस्‍वरके अगा धरमी ठहरेनेछै। ओहैसे खिरिस्‍ट दुवारा औरो बेसिसे अपनासबके परमेस्‍वरके करोधसे बचेतै।

रोमी 6:12

अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

रोमी 7:18

हमर कहैले चाहैबला बात यि चियै कि हमरमे अरथात हमर पाप स्‍वभाबमे कोनो असल चिज बास नै करैछै, कथिलेत असल काम करैले हमर इक्‍छा हैतोपरभी यि करैले नै सकैचियै।

रोमी 9:22

तहिनङे लोकसबसङे कनङ बेबहार करबै कहैबला बात त परमेस्‍वरके आपन इक्‍छाके बात चियै। आपन रिस आ सक्‍ती देखाइके ओकर आपन इक्‍छाके बात हैतोपरभी, उ नासके लेल तैयार करल लोकसबके सङे एकदम धिरज कैरके रहलै।

१ कोरन्‍थी 4:7

के तोरासबके औरोसे बरका बनेल्‍कौ? कि तोरासबसङे जे छौ, उ परमेस्‍वर नै देल्‍कौ? यदि तुसब उ पाबनेचिही त, कथिले घमन्‍ड करैचिही?

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

कलस्‍सी 1:21

एक समयमे तुसब परमेस्‍वरसे दुर छेल्‍ही। दुस्‍ट काम आ बिचार करलाके कारन तुसब परमेस्‍वरके दुस्‍मन छेल्‍ही।

१ थेसलोनिकी 4:13

देख भाइसब, मरलहा बिस्‍बासीसबके कि हैछै से तोरासबके थाह हेबे से हमसब चाहैचियै, ताकि आसा नै भेल्‍हा लोकसब जखा तोरासबके सोक करे नै परे।

१ थेसलोनिकी 5:6

ओहैसे दोसर-तेसर लखा अपनासब नै सुत, महज जागल आ चौकल रह।

१ तिमोथी 6:9

महज धनिक हैले चाहैबला परिक्‍छामे परैछै। उ बेरथ आ खराब इक्‍छासबमे फैस जाइछै। ओहे खराब इक्‍छा ओकरा दुख आ बिनासमे लजाइछै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

२ पतरुस 2:14

ओइसबके आँख बेबिचारसे भरल रहैछै आ कतबो पाप करैछै तैयो नै मन भरैछै। उसब चनचल मन भेल्‍हासबके फुस्‍यालैछै। ओकरसबके मन लोभसे भरल रहैछै। ओहैसे परमेस्‍वरके सराप ओइसबके उपरमे परलछै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

१ युहन्‍ना 2:16

कथिलेत सन्‍सारमे भेल्‍हा चिजसब अरथात देहके कुइक्‍छा, आँखके लालच आ जिबनके घमन्‍ड परमेस्‍वर पितासे नै, महज यि सब त सन्‍सारसे एलछै।

१ युहन्‍ना 2:8

तैयो हम तोरासबके खातिर एकटा लबका आग्‍या लिखरहल चियौ, जे येसु खिरिस्‍ट आ तोरासबमे सत देखा परल छौ, कथिलेत अन्‍हार हटे लागल छै आ सतके इजोत पहिनेसे चमैकरहल छै।