एफिसी 2:11 - मध्‍य पुरविया थारू

¹¹ एक समय तुसब केहेन छेल्‍ही, से याद कर। तुसब गैर-यहुदी परिबारमे जलमल छेल्‍ही आ देहमे खतना भेल यहुदीसब तोरासबके खतना नै करल गैर-यहुदी लोक कहैछेलौ।

एफिसी 2:11 Iomraidhean Croise

मतीके लिखल सुसमाचार 20:7

उसब जबाब देल्‍कै, ‘हमरासबके अखुनतक कोइ नै बारीमे काम करैके लेल अरहाइल्‍कै।’ उ गिरहत ओइसबके कहल्‍कै, ‘तुहुसब हमर अङगुर बारीमे ज्‍याके काम कर।’

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

रोमी 2:26

यदि खतना नै करैबला लोक बेबस्‍था पालन करैछै त कि ओकरासबके खतना करल लोकसबके जखा परमेस्‍वर नै मान्‍तै से?

रोमी 2:27

तु यहुदीसबसङे लिखल बेबस्‍थाछौ आ तोरासबके खतना भेलछौ तैयो तुसब बेबस्‍था पालन नै करैचिही महज गैर-यहुदीसब खतनो नै कैरके बेबस्‍था पालन करैछै त तुसब स्‍वतह दोसी ठहरल जेब्‍ही।

१ कोरन्‍थी 12:2

तोरासबके थाहे छौ कि, जब तुसब परभुमे बिस्‍बास नै करनेछेल्‍ही, तब कोनो न कोनो परकारसे भटैकके बोले नै सकैबला मुरुतीसबके पुजा करैछेल्‍ही।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

गलाती 2:15

हमसब जलमेसे यहुदीसब चियै आ हमसब “पापी” मानल गैर-यहुदी जखा नै चियै।

गलाती 6:12

बाहिरी रुपसे ठिक देखाइले चाहैबलासब तोरासबके खतना करैले कर-चाप लगाइतौ। यि बात उसब कुरूसमे देल खिरिस्‍टके बलिदानके कारन आबैबला सताबटसे बचैके लेल करैछै।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

कलस्‍सी 1:21

एक समयमे तुसब परमेस्‍वरसे दुर छेल्‍ही। दुस्‍ट काम आ बिचार करलाके कारन तुसब परमेस्‍वरके दुस्‍मन छेल्‍ही।

कलस्‍सी 2:11

तुसब खिरिस्‍टमे होनाइ साँचोके खतना पाबनाइ चियौ। लोकके हाथसे लगाइबला खतना नै महज खिरिस्‍टसे खतना भेलचिही। यि खतना तोरासबके पाप स्‍वभाबके सक्‍तीसे छुटकरा पाबैके लेल चियै।

कलस्‍सी 2:13

तुसब पाप करलाके कारन आ बेबस्‍था अनुसार खतना नै करैबला गैर-यहुदी लोक भेलासे एक समय तुसब आत्‍मिक रुपमे मरल छेल्‍ही। महज आब त परमेस्‍वर तोरासबके खिरिस्‍टसङे जियाइनेछौ आ अपनासबके सब पाप छमा कैरदेनेछौ।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।