२ तिमोथी 4:8 - मध्‍य पुरविया थारू

⁸ आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

२ तिमोथी 4:8 Iomraidhean Croise

मतीके लिखल सुसमाचार 24:36

“महज उ संकटके दिन आ घरी कहिया एतै से ककरो नै थाहछै, नै स्‍वरगदुतसबके नै परमेस्‍वरके बेटाके, परमेस्‍वर पिता मातरे जानैछै।

मतीके लिखल सुसमाचार 7:22

नियाइके दिनमे बहुतो लोकसब हमरा कहतै, ‘परभु, परभु, कि हमसब अहाँके नाममे अगमबानी नै बोललियै? कि हमसब अहाँके नाममे भुतसब नै निकाललियै? आ कि हमसब अहाँके नाममे बहुतो अचमके कामसब नै करलियै?’

लुका 10:12

हम तोरासबके कहैचियौ, नियाइके दिनमे सदोम बासिसबके दुखसे बेसी यि सहर बासिसबके दुख बेसी हेतै।

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

रोमी 8:23

सिरिस्‍टी करल चिज मातरे नै, अपनोसब भितरे भितर दुखसे कुहरैचियै। अपनासब परमेस्‍वरके परतिग्‍याके रुपमे पबितर आत्‍मा पाबनेचियै। ओहैसे अपनोसबके कहिया पुरा हकबला ओकर सन्‍तान बनेतै आ सब खराब बातसे अपनासबके देहके छुटकरा देतै कैहके असियाल चियै।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

१ कोरन्‍थी 3:13

महज नियाइके दिनमे परमेस्‍वर सबकोइके काम परकट करतै आ उसबके करल काम केहेन छै कैहके आइगसे जाँचल जेतै।

१ कोरन्‍थी 9:25

खेलमे भाग लेबेबला खेलारी सब बातमे अनुसासनमे रहैले परैछै। उसब नास हैबला मुकुटके लेल एहेन करैछै, महज हमसब नास नै हैबला मुकुटके लेल एहेन करैचियै।

२ कोरन्‍थी 5:2

हमसब अइ सन्‍सारमे रहैतकाल बेचैन रहैचियै आ अपनासबके स्‍वरगिय देह बस्‍तर लखा लगाइले उतकट इक्‍छा करैचियै।

फिलिप्‍पी 3:11

ताकी मरलहासबसे हम्‍हु जिबित हैले सकी।

कलस्‍सी 1:5

तोरासबके खातिर स्‍वरगमे सुरक्‍छित साथ राखल आसाके कारन एहेन बिस्‍बास आ परेम करैचिही। यि असाके बिसयमे तुसब पहिनेसे सतके बचन अरथात सुसमाचार सुन्‍नेचिही।

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

१ थेसलोनिकी 5:4

महज देख हमर भाइसब, तुसब यि बातसबके बारेमे अन्‍जानमे नै चिही। ओहैसे परभु आबैबला दिनमे चोर एल जखा अचानक नै एतौ।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

१ तिमोथी 6:19

एहेन कैरके उसब आपन लेल साँचोके धनसम्‍पती जम्‍मा करेसक्‍तै, जे धन आबैबला दिनके लेल ठोस जगके रुपमे काम लाग्‍तै। ताकि उसब उ जिबन पाबे जे जिबन सत जिबन चियै।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 1:18

परभु आबैबला दिनमे ओनेसिफरसके परभु किरपा करबै। तोरा निक जखा थाह छौ, एफिससमे उ हमरा बहौत सेबा करने रहै।

२ तिमोथी 2:5

तैहनङ कोनो खेलमे भाग लेल खेलाड़ी नियममे रैहके नै खेल्‍तै त ओकरा इनाम नै मिल्‍तै।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

हिबरु 12:11

सब किसीमके अनुसासन सुरुमे सुखद नै हैछै महज पिरा दायक हैछै। अनङ तालिम पाबलहासब धारमिक जिबन जियैछै आ औरोसङे मेलमिलापमे रहैछै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

याकुब 1:12

उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

१ पतरुस 1:4

स्‍वरगमे तोरासबके खातिर सैतके राखल उतराधिकार कहियो नास नै हैबला, नै सरैबला आ नै मुरझाइबला जखाछै।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परकास 19:11

तकरबाद हम स्‍वरग उघरल देखलियै आ ओते एकटा उजर घोरा छेलै। ओइमे सबार हैबला “बिस्‍बासयोग्‍य” आ “सत” कहेतै। उ ठिकसे नियाइ आ लराइ करतै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!

परकास 4:10

उसब गित गाबैतरहैत बेरमे सबदिन जिबित आ सिंहासनमे बिराजमान रहैबलाके अगा उ चौबिसटा धरमगुरुसब गोरलागल्‍कै आ आपन-आपन मुकुट ओकर सिंहासनके अगा राइखके अनङ कहल्‍कै,

परकास 4:4

उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।