२ तिमोथी 4:5 - मध्‍य पुरविया थारू

⁵ महज तु हर परिस्‍थितीमे सचेत रह, दुख उठा, सुसमाचार सुनाइबला काममे लागल रह आ आपन सेबाके काम-काज पुरा कर।

२ तिमोथी 4:5 Iomraidhean Croise

मतीके लिखल सुसमाचार 25:16

पाँचटा सोनाके डलर पाबैबला नोकर तुरन्‍त बेपारमे लगाइल्‍कै आ ओहैसे पाँचटा औरो सोनाके डलर कमाइल्‍कै।

मरकुस 13:34

यि त एकटा लोक बिदेस गेल जखा चियै। जाइसे पहिने उ आपन नोकर-चाकरसबके घरमे सब काम-काजसबके जिम्‍मा लग्‍याके आ पहरेदारके जागल रह कैहके आग्‍या द्‍याके बिदेस गेल जखा चियै।

मरकुस 13:37

हम तोरासबके जे कहैचियौ से हमसब लोकसबके कहैचियौ कि जागल रह!”

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

परेरित 21:8

दोसर दिन बिहान बिदा भ्‍याके कैसरिया सहरमे एलियै आ सुसमाचार परचारक फिलिपके घरमे रहलियै। खाना बटैबला काममे परेरितसब सेबा करैले छानल्‍हा सात गोरे मेसे एकगोरा फिलिपो छेलै।

रोमी 15:19

उसब परमेस्‍वरके आत्‍माके सक्‍ती, अचमके चेन्‍हासब आ कामसब दुवारा बिबस करलगेल छेलै। अहिनङे हम यरुसलेमसे इल्‍लुरिकन परदेसतक पुरे खिरिस्‍टके सुसमाचारके परचार करने चियै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

एफिसी 4:12

खिरिस्‍टके सब पबितर जनसबके ओकर काम करे सकैबला बनाइले आ ओकर देह मन्‍डलीके बलगर बनाइले सके कैहके नियुक्‍त करल्‍कै।

कलस्‍सी 1:25

परमेस्‍वर हमरा तोरासबके भलाइके खातिर सेबक बनाइनेछै आ ओकर बचन पुरा-पुरी परचार करैके जिम्‍मा देनेछै।

कलस्‍सी 4:17

“परभुके जिमा देल काम पुरा कर” कैहके अरखिपसके कैहदहै।

१ थेसलोनिकी 5:6

ओहैसे दोसर-तेसर लखा अपनासब नै सुत, महज जागल आ चौकल रह।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

१ तिमोथी 4:15

हम तोरा कहल यि सब बात एकदमसे पालन कर आ पुरा मन लगाके ओहैमे लागल रह ताकि तोहर करल उन्‍नती सबकोइ देखे।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

२ तिमोथी 2:3

येसु खिरिस्‍टके असल सिपाही जखा हमरासबकेसङे दुख भोग।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

परकास 3:2

जागल रह आ मरैले लागल कमजोर आत्‍मिक जिबनके सेहो बौकार बनाके राख, कथिलेकी परमेस्‍वरके अगा तोहर काम हम सिध भेल नै पाबनेचियै।