२ तिमोथी 3:4 - मध्‍य पुरविया थारू

⁴ उसब धोखेबाज, आपने मनके रजा आ घमन्‍डी हेतै। परमेस्‍वरसे परेम करैके बदलामे सुख-बिलासके परेम करतै।

२ तिमोथी 3:4 Iomraidhean Croise

परेरित 19:36

तोरासबके थाहे छौ कि यि बात सत चियै, तैल्‍याके तुसब सान्‍त हो आ बेकारके कामसब नै कर।

परेरित 7:52

कि अगमबक्‍तासब मेसे ककरा नै तोरौरके पिता-पुरखासब सतेल्‍कौ? परमेस्‍वरके पबितर धारमिक सेबकके आबैसे पैहने भबिसबानी करैबलासबके खुन कैर देल्‍कौ आ तुसब ओहै धरमी सेबकसबके पकराके ओकरा खुन कैर देल्‍ही।

रोमी 11:20

यि बात सत चियै कि, इजराएलीसब बिस्‍बास नै करलासे ठाइर जखा काइटके फेकल रहै। तुसब बिस्‍बास करलासे कलमी बान्‍हल गेलचिही। ओहैसे घमन्‍ड नै कर बरु परमेस्‍वरके डर मान।

रोमी 16:18

कथिलेत एहेन लोकसब अपनासबके परभु येसु खिरिस्‍टके नै महज आपन पेटके लेल सेबा करैछै। उसब निक-निक बात बन्‍याके सिधासाधा लोकसबके ठगैछै।

१ तिमोथी 3:6

अगुवा भरखरके बिस्‍बासी नै हैकेचाही। नै त अनङ नै हेबे कि उ घमन्‍डसे फुइलके सैतान जखा दन्‍डके भागिदार हेबे।

१ तिमोथी 5:6

महज जै मसोमातनी भोग-बिलासके जिबन बिताबैछै उ जिते रहतै तैयो मरल जखा चियै।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

यहुदा 1:19

तोरासबके बिचमे फुट आनैबला यह्‍यासब चियै। जेसब सन्‍सारके ढाचामे चलैछै आ ओइसबमे पबितर आत्‍मा नै रहैछै।

यहुदा 1:4

कथिलेकी परमेस्‍वरके आदर नै करैबला कोइ-कोइ पैहनिए दोसी ठहरल लोकसब तोरासबके बिचमे ककरो थाह नै द्‍याके ढुकल छौ। उसब परमेस्‍वरके नै मानैछै। परमेस्‍वरके देल अनुगरहके अधलाह कामसब करैले हथियार बनाइनेछै तब येसु खिरिस्‍टके एक मातरे परभु आ मालिक चियै सेहो कहैले इन्‍कार करैछै।