२ तिमोथी 3:10 - मध्‍य पुरविया थारू

¹⁰ तु त हमर सिक्‍छा, हमर चरितर, हमर जिबनके लक्‍छ, हमर बिस्‍बास, हमर धिरज, हमर परेम आ हमर सहनसिलता देख्‍नेचिही।

२ तिमोथी 3:10 Iomraidhean Croise

लुका 1:3

माननिय थियोफिलस सुरुवेसे होसियारीसाथ सब चिजसबके तलासी करनेचियै आ तोहर लेल बिबरन मिल्‍याके लिखैले हमरा निक लागल,

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 2:42

उसब परेरितसबके उपदेस सुनैले, संगती, परभु भोज आ परथना करैले भक्‍तिसाथ लागल रहै।

परेरित 20:18

जब उसब पुग्‍लै तब पावल ओइसबके कहल्‍कै, “तोरासबके थाहे छौ कि, जै दिनसे हम एसियामे एलियै तै दिनसे तोरासबके बिचमे कनङके आपन दिन काटने छेलियौ।

परेरित 26:4

“हम आपन जातीके बिच आपन देसमे आ यरुसलेममे आपन बचपन कनङके बितेलियै से बात यहुदीसब निकसे जानैछै।

रोमी 16:17

हे हमर भाइ-भैयासब, हम तोरासबके बिन्‍ती करैचियौ कि, तोरासबके सिख्‍याल सिक्‍छाके बिपरित सिखाइबला लोकसबसे होसियार रह। यि तोरासबके फुट करेतौ आ बिस्‍बाससे बहकेतौ। ओहन लोकसबसे दुरे रह।

२ कोरन्‍थी 1:17

कि हम अस्‍थिर नै भेल जखा यि योजना बनाइने चियै कैहके तोरासबके लागैछौ? कि हम योजना बनाइतकाल सन्‍सारके लोक जखा एके छनमे “हँ” आ एके छनमे “नै” कैहके कहैचियै से?

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

फिलिप्‍पी 2:20

तिमोथी जखा तोरासबके सुध मनसे वास्‍ता करैबला असल लोक त हमरसङे औरो कोइ नै छै।

फिलिप्‍पी 2:22

तोरासबके थाहे छौ, कि तिमोथीके बेबहार असल छै। जनङ बेटा आपन बाबुके साथ दैछै तहिनङे उ हमरसङे सुसमाचार परचारके काममे हमरा साथ देल्‍कै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

२ तिमोथी 4:2

परमेस्‍वरके बचन सुना। बेलोमे कुबेलोमे सुसमाचार सुनाइले नै छोर। पुरा-पुरी धिरजसे लोकसबके सम्‍झा, चेताबनी दहै आ असल सिक्‍छासे हिम्‍मत बरहा।

२ तिमोथी 4:3

कथिलेत आब एहेन समय आइबरहल छै कि लोकसब सहि सिक्‍छाके बात सुनैले बरदास नै करतै। बरु आपने इक्‍छाके पछा भाग्‍तै। उसब आपन इक्‍छासे ओहै गुरुसबके ढेरियाइतै जे ओइसबके सुनैले मज्‍जा लागैबला बातसब सुनाइतै।

२ तिमोथी 4:7

हम उत्‍तम लराइ लरने चियै। हम आपन दौर पुरा करनेचियै आ आपन बिस्‍बासमे अटल चियै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

२ पतरुस 3:11

यि सब चिज अनङ नास हेबे लागलछै त, तुसब केहेन लोक हैकेचाही? तोरासबके जिबन पबितर आ परमेस्‍वरमे समरपित हेबे परतौ।