२ तिमोथी 2:26 - मध्‍य पुरविया थारू

²⁶ तब उसब होसमे आइबके सैतानके फन्‍दासे निकैल सकैछै। कथिलेत सैतान आपन इक्‍छा पुरा करैके खातिर ओइसबके बसमे राखनेछै।

२ तिमोथी 2:26 Iomraidhean Croise

लुका 11:21

सेना जखा हथियार लके एकटा बौकार लोक आपन घरके सुरक्‍छा करतै त, ओकर सरसमानसब सुरक्‍छित रहतै।

लुका 15:17

“जब ओकर मन फिरलै, तब उ मनेमन अपने आपके कहल्‍कै, ‘हमर बाबुके घरमे त बहौतरा नोकर-चाकरसब भोइर पेट ख्‍याके उबारबो करैछै, महज हम अते भुखसे मरैचियै।

लुका 5:10

सिमोन सङे-सङे सझियारमे काम करैबला जब्‍दियाके बेटासब याकुब आ युहन्‍ना ओहो छक्‍के परलै। येसु सिमोनके कहल्‍कै, “नै डेरा, आबसे तु माछ नै महज लोकसबके पकैरके हमरलग आनबिही।”

युहन्‍ना 13:2

तब येसु आपन चेलासबसङे साँझके भोजन खाइछेलै। सैतान पहिनेसे सिमोनके बेटा यहुदा इस्‍कोरियोतके मनमे ओकरा पकरादैके बिचार राइखदेने छेलै।

युहन्‍ना 13:27

तब यहुदा रोटीके खुन्‍डी लैते मातर सैतान ओकरमे ढुइकगेलै। तब येसु ओकरा कहल्‍कै, “तु जे करैले लागलचिही, से झटसिन कैरले।”

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 5:3

तब पतरुस कहल्‍कै, “ऐ हननिया, पबितर आत्‍मा सङे कथिले झुठ बोलैचिही, जमिन बेचलहा कन्‍हिक हिस्‍सा आपनसङे राखबै से बात सैतान कनङके तोहर मनमे भोइर देल्‍कौ?

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

२ कोरन्‍थी 2:11

ताकी सैतान हमरासबके फसाबैके मौका नै पाबे, कथिलेकी ओकर जुक्‍तीके बिसयमे हमसब अनजान नै चियै।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

कलस्‍सी 1:13

वह्‍या अपनासबके अन्‍हारके सक्‍तीसे छुटकरा द्‍याके आपन दुलरुवा बेटाके राजमे आन्‍ने छै।

१ तिमोथी 1:20

ओइसबमे परैबला हुमेनियस आ अलेक्‍जेन्‍डर चियै। उसब परमेस्‍वरके बदनामी करैले छोरे कैहके हम ओकरासबके सैतानके हाथमे सोइप देलियै।

१ तिमोथी 3:7

देखभाल करैबला अगुवा मन्‍डलीएटाके भितरे मातर नै महज उ मन्‍डलीके बाहरो इजत-मान भेटल लोक हैकेचाही। तब मातरे ओकरा बिस्‍बासी लोकसब मान करतै आ सैतानके जालमे नै परतै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।