२ तिमोथी 2:16 - मध्‍य पुरविया थारू

¹⁶ महज तु परमेस्‍वरके अपमान करैबला आ काम नै काजके बातसे दुर रह, कथिलेत एहेन बात लोकसबके परमेस्‍वरसे दुर ल्‍याजाइछै।

२ तिमोथी 2:16 Iomraidhean Croise

१ कोरन्‍थी 15:33

एहन बातसबके धोखामे नै पर। कथिलेत खराब सङहतसे असल लोक सेहो बिगरैछै।

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

१ तिमोथी 1:9

अपनासब यि बात जानैचियै कि बेबस्‍था असल लोकके लेल नै बनलछै महज अकर बेबस्‍था भङ करैबलासबके लेल, अपराध करैबलासबके लेल, आग्‍यापालन नै करैबलाके लेल, भक्‍तीहिन आ पापीसबके लेल, अपबितर आ दुस्‍ट, अधरमी आ आपन बाप-महताइरसबके हतिया करैबलासबके लेल आ औरोसबके हतिया करैबलासबके लेल बनलछै।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

१ तिमोथी 6:20

हौ तिमोथी, जे जिम्‍मा परमेस्‍वर तोरा देने छौ ओकरा निकसे देखभाल कर। परमेस्‍वरके अपमान हैबला मुरुख बातसबसे आ कतहेक लोक परमेस्‍वरके बिरोध करैबला बातके “ग्‍यान” कैहके मानने छै तै झुठ बातसबसे अलग रह।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

२ तिमोथी 2:21

यदी कोनो लोक आपनके खराब कामसे सुध राखैछै त, उ आदरके जोग कामके खातिर एकटा भँड़िया बन्‍तै। कथिलेत उ आपने सुध राइखके सब असल कामके खातिर मालिकके मनपरैबला हेतै।

२ तिमोथी 3:13

महज दुस्‍ट आ ढोङी लोकसब दोसरके धोखा दैछै आ उ आपनो धोखा खाइत बिगरैते जाइछै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

तितस 1:14

उसब यहुदीसबके बनोतरी बात-कथा नै सुनौक आ जे लोकसब सतके इन्‍कार करैछै, ओइसबके आग्‍या मान्‍बे नै करौक।

तितस 3:9

महज बेरथके बात, बंसाबली, फुट लाबैबला आ धरम-नियमके झगरासबसे दुरे रह। कथिलेत यि काम नै लागैबला आ बेरथके बात चियै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

२ पतरुस 2:2

बहुतो गोरे ओकरसबके निरलज चालचलन अपनाइतै आ ओइसबके कारन सत सिक्‍छाके बदनाम करतै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 13:3

ओकर एकटा मुरीमे मरैले लागैबला बहौत गैहर चोट लागल छेलै, महज उ गैहर चोट निक भेलै। अहै खातिर सारा सन्‍सारके लोकसब आस्‍चरजमे पैरके ओइ जानबरके पछा लागे लाग्‍लै।