२ तिमोथी 2:11 - मध्‍य पुरविया थारू

¹¹ यि बात एकदम सत छै, यदी हमसब ओकरसङे मरल चियै त, ओकरेसङे जिबै।

२ तिमोथी 2:11 Iomraidhean Croise

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

रोमी 6:5

यदि ओकर मिरतुमे अपनासब ओकरसङे एके भेलचियै त, ओकर पुनरुथानमे सेहो पक्‍का अपनासब ओकरमे एक हेबै।

रोमी 6:8

महज यदि अपनासब खिरिस्‍टसङे मरल चियै त, ओकरसङे जिबित सेहो हेबै कैहके बिस्‍बास करैचियै।

२ कोरन्‍थी 13:4

कथिलेत उ कमजोर भ्‍याके कुरूसमे टाङल गेलै महज परमेस्‍वरके सक्‍तीसे जिबित भेलै। तहिनङे हम्‍हुसब ओकरसङे कमजोर भेलचियै, महज परमेस्‍वरके सक्‍तिसे खिरिस्‍टके लया जिबन अपनासबमे सेहो छै आ उ जिबनके सक्‍ती तोरासबसङे बेबहार करैतखिना देखल जेतै।

२ कोरन्‍थी 4:10

येसुके जिबन अपनासबके देहमे परकट हेबे कैहके हमसब ओकर मिरतु सबदिन अपनासबके देहमे बोइकके चलैचियै।

१ थेसलोनिकी 4:17

तब हमसब जिबित भेल्‍हासब परभुके अकासमे भेटैले ओइसबके सङे-सङे बादलमे उठ्‍याल ज्‍याब आ सबदिन हमसब परभुसङे रहब।

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

१ तिमोथी 3:1

यि बात त एकदम सत चियै कि, जे लोक मन्‍डलीके रेखदेख करैबला अगुवाके काम करैले इक्‍छा करैछै त उ एकदम असल करैले चाहैछै।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।