२ तिमोथी 2:10 - मध्‍य पुरविया थारू

¹⁰ तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

२ तिमोथी 2:10 Iomraidhean Croise

मतीके लिखल सुसमाचार 24:22

यदी परमेस्‍वर उ बिपतके दिन कम नै करतै त लोकसब कोइ नै जिबित रहतै, महज परमेस्‍वर आपन छानल लोकसबके खातिर यि दिन कम कैरदेतै।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

मतीके लिखल सुसमाचार 24:31

तुरहीके अबाजसङे उ आपन स्‍वरगदुतसबके पठेतै आ अकास आ पिरथिबीके चारु दिसरसे उ आपन छानल लोकसबके जमा करतै।

लुका 18:7

कि परमेस्‍वरके आपन जनसब रात-दिन ओकरा पुकारतै त ओइसबके नियाइ नै करतै? कि उ आपन लोकसबके सहायता करैले देर करतै त?

लुका 22:57

महज पतरुस एहेन कैहके इन्‍कार करल्‍कै, “नै गे, हम ओकरा नै चिन्‍हैचियै!”

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

युहन्‍ना 17:9

“आब हम ओइसबके लेल परथना करैचियै। हम सन्‍सारके लेल परथना नै करबै, महज ओकरासबके लेल, जकरा अहाँ हमरा देनेचियै। कथिलेत उसब अहैके चियै।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

१ कोरन्‍थी 9:22

हम कमजोर लोकसबके बिचमे काम करैबखत उसब खिरिस्‍टमे बिस्‍बास करे कैहके हम्‍हु कमजोर भेलियै। हम सबके लेल सबकुछ बैन गेलियै ताकि हरतरहसे लोकसबके खिरिस्‍टमे बचाबैले सकी।

२ कोरन्‍थी 1:6

जब हमसब दुख भोगैचियै, उ तोरासबके सान्‍तबना आ मुक्‍तीके लेल चियौ। यदि हमसब सान्‍तबना पेबै त, तुहुसब सान्‍तबना पाबबिही। हमसब जे दुख भोगैचियै ओह्‍या दुख तुसब धिरजसे सहबिही त तुहुसब ओह्‍या सान्‍तबनाके अनुभव करबिही।

२ कोरन्‍थी 12:15

तोरासबके भलाइके लेल हमरसङे भेल सब चिज खुसिसे देबौ आ अपना स्‍वयमके देबौ। यदि हम तोरासबके बेसी परेम करैचियौ त कथिले हमरा कमतियै परेम करैचिही?

२ कोरन्‍थी 4:15

यि सब तोरेसबके हितके लेल भेल छै, कथिलेकी जतेक बहुत लोकसब परमेस्‍वरके अनुगरह पाबतै ओतेक बहुत परमेस्‍वरके महिमाके लेल ओकरा धन्‍यबाद दैबला काम हेतै।

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

एफिसी 3:13

अहै खातिर हम तोरासबके बिन्‍ती करैचियौ कि, हम तोरासबके खातिर जे कस्‍ट भोग्‍नेचियै उ देखके हार नै मान। यि त तोरासबके खातिर गौरबके बात चियौ।

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

१ थेसलोनिकी 5:9

कथिलेकी परमेस्‍वर अपनासबके दन्‍ड दैकेलेल नै महज परभु येसु खिरिस्‍टसे मुक्‍ती पाबैके लेल चुन्‍ने छै।

२ थेसलोनिकी 2:14

अहै खातिर अपनासबके सुनाएल सुसमाचारसे परमेस्‍वर तोरासबके बोलाइल्‍कौ। हमरासबके परभु येसु खिरिस्‍टके महिमा तोरोसबके मिले कैहके उ तोरासबके बोलाइनेछौ।

२ तिमोथी 1:1

हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।

२ तिमोथी 2:1

हमर दुलरुवा बेटा तिमोथी, येसु खिरिस्‍टके अनुगरहसे बलगर हैत जो।

२ तिमोथी 2:3

येसु खिरिस्‍टके असल सिपाही जखा हमरासबकेसङे दुख भोग।

तितस 1:1

हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।