२ तिमोथी 1:7 - मध्‍य पुरविया थारू

⁷ कथिलेत परमेस्‍वर अपनासबके डरके आत्‍मा नै महज, सक्‍ती, परेम आ आपनके बसमे राखैबला आत्‍मा देनेछै।

२ तिमोथी 1:7 Iomraidhean Croise

लुका 10:19

हम तोरासबके साँप आ कोकर बिछीसबके उपर खालि लातसे मिसरैके अधिकार देने चियै, सतरुके सब सक्‍तिके उपर अधिकार देनेचियौ। आब कोनो चिज तोरासबके हानी नै करतौ।

लुका 15:17

“जब ओकर मन फिरलै, तब उ मनेमन अपने आपके कहल्‍कै, ‘हमर बाबुके घरमे त बहौतरा नोकर-चाकरसब भोइर पेट ख्‍याके उबारबो करैछै, महज हम अते भुखसे मरैचियै।

लुका 24:49

हमर पिताके परतिग्‍या हम तोरौरके लग पठाइबौ। महज परमेस्‍वरके सक्‍ती नै पाबैतक अहै सहरमे असियाले रहिये।”

लुका 8:35

कथी भेलछै से देखैले लोकसब येसु लग एलै। जे लोकसे भुतसब निकलल छेलै। ओकरा जमा-जोरा लग्‍याके येसु लग बैठल देखल्‍कै। यि देखके लोकसब छक्‍के परलै।

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

परेरित 21:13

महज पावल कहल्‍कै, “तुसब कथिले काइनके हमर मनके तोरैचिही? हम त यरुसलेममे बन्‍हाइले मातर नै, महज हम त परभुके लेल मरैयोले तैयार चियै।”

परेरित 26:11

बेर-बेर सभाघरसबमे ज्‍याके ओकरासबके दन्‍ड द्‍याके उसब परभु नै माने कैहके कोसिसो करलियै। हम तामससे चुर भ्‍यागेलियै आ ओकरासबके आनो देसके सहरसबमे ज्‍याके सताबैले लागलियै।

परेरित 26:25

पावल कहल्‍कै, “हे परतापी फेस्‍तस, हम पागल नै चियै, महज हम जे कहैचियै उ एकदम सत आ जाइज छै।

परेरित 6:8

स्‍तिफनस परमेस्‍वरके किरपा आ सक्‍तीसे भरपुर भ्‍याके लोकसबके बिचमे बरका-बरका अचमके काम आ चेन्‍हासब देखेल्‍कै।

परेरित 9:22

महज साउलके परचार सक्‍तिसाली हैतगेलै आ येसुवे खिरिस्‍ट चियै से परमान द्‍याके दमस्‍कसमे रहैबला यहुदीसबके मुह बन्‍द कैरदेल्‍कै।

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

रोमी 8:15

कथिलेत तुसब फेनसे दास बनैले डरके आत्‍मा नै पाबनेचिही बरु तुसब पोसपुत हैले पबितर आत्‍मा पाबनेचिही, तैल्‍याके हमसब परमेस्‍वरके “हे हमर अब्‍बा, पिता!” कैहके पुकारैचिही।

१ कोरन्‍थी 2:4

हमर सिक्‍छा आ परचार घत लागैबला बुइधके बरका-बरका बातसब नै बाजलियै, महज पबितर आत्‍माके सक्‍तीके सबुत द्‍याके हम परचार करलियै,

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

कलस्‍सी 1:8

पबितर आत्‍मा तोरासबके देल परेमके बारेमे इपाफरास हमरासबके सुनाइने छै।

हिबरु 2:15

तब मिरतुके डरसे जिबनभैर बन्‍धनमे परलहासबके उ छुटकरा देल्‍कै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ युहन्‍ना 4:18

परेममे डर नै हैछै महज सिध परेम डरके दुर कैरदैछै। कथिलेकी डरके सङहत त दन्‍डके जरे हैछै आ जे डराइछै उ परेममे सिध नै रहैछै।