२ तिमोथी 1:5 - मध्‍य पुरविया थारू

⁵ हम तोहरमे भेल निसकपट बिस्‍बासके याद करैचियौ। जे बिस्‍बास तोहर नानी लोइस आ तोहर माँ युनिसमे छेलौ। हमरा पुरा बिस्‍बास छै, जे उ बिस्‍बास तोरोमे छौ।

२ तिमोथी 1:5 Iomraidhean Croise

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

परेरित 16:1

पावल डरबी सहर हैत लुस्‍तरा सहरमे पुग्‍लै। लुस्‍तरामे तिमोथी नामके परभुमे बिस्‍बास करैबला एकटा चेला रहै। उ बिस्‍बासी यहुदी जनिके बेटा रहै महज ओकर बाप गिरिक जातीके रहै।

परेरित 26:26

खुद रजा अगरिपासके यि बातसब मालुम छै तै लेल हम ओकर सामने निडर भ्‍याके बोइलरहल चियै। हम बिस्‍बास दियाबैचियौ कि कोनो भि बात ओकरसे घोसरल नै छै। कथिलेत यि सब बातसब गुप-चुपमे नै भेल छै।

रोमी 14:14

परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

रोमी 14:5

कतहेक लोक एकटा दिनके दोसर दिनसे बेसि बिसेस मानैछै महज कतहेक लोक सबदिन एके ठानैछै। हरेक लोक आपन-आपन मनमे बिस्‍बास करल बातमे पक्‍का हैलेपरतै।

रोमी 15:14

हे हमर भाइ-भैयासब, हम जानैचियै कि तुसब असल चिही, सब परकारके ग्‍यानसे भरपुर आ एक-दोसरके सिक्‍छा दैले योग्‍यके चिही।

रोमी 4:21

कथिलेत परमेस्‍वर आपन करल परतिग्‍या अबस्‍य पुरा करतै कैहके उ निसचिन्‍त छेलै।

रोमी 8:38

परमेस्‍वरके परेमसे अपनासबके कोनो चिज अलग करैले नै सक्‍तै। नै त मिरतु, नै त जिबन, नै स्‍वरगदुतसब, नै त सन्‍सारके सासकसब, नै त अखुनके या भबिसके बातसब, नै त कोनो सक्‍तीसब,

२ कोरन्‍थी 6:6

अपनासबमे रहल पबितर आत्‍मा आ अपनासबके निसकपट परेमसे हमसब आपनेके सुध, समझदार, सहनसिल आ दयालु परमानित करनेचियै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

२ तिमोथी 3:15

तु छोटेसे पबितर धरमसास्‍तरमे लिखल बचनसे परिचीत चिही। ओहै बातसबसे खिरिस्‍ट येसुमे बिस्‍बास कैरके मुक्‍ती पाबैले ग्‍यान दैछौ।

हिबरु 11:13

उ सबलोक परमेस्‍वरके परतिग्‍या करल बात नै पाइबके बिस्‍बासेमे मरलै। उसब परमेस्‍वरके परतिग्‍या करल बात दुरेसे देखल्‍कै आ स्‍वागत करल्‍कै, तब उसब अइ पिरथिबीमे आपनेके परदेसी आ परबासी चियै कैहके ठानल्‍कै।

हिबरु 6:9

हे हमर पिरिय सङीसब, हमसब तोरासबके बारेमे अनङ बोललियै तैयो तोरासबसे असल बातके आसा करनेचियौ। तुसब मुक्‍ती पाबलहा लोकसबके करल कामसब जखा तुहुसब असल काम करैचिही।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।