२ तिमोथी 1:4 - मध्‍य पुरविया थारू

⁴ जब तोहर चुबल लोरके याद आबैछौ, तब तोहरसे भेट करैले मन लागैछै ताकी तोहर सङे भेटके हम खुसी हेतियै।

२ तिमोथी 1:4 Iomraidhean Croise

युहन्‍ना 16:22

अहिनङे अखुन तुसब सोक करबिही, महज हम फेनो तोरासबके भेटैले एबौ त तोरासबके हिरदय खुसीसे भरतौ। तब कोइ नै तोरासबके खुसी तोरासबसे छिन्‍तौ।

युहन्‍ना 16:24

अखुनोतक तुसब हमर नाममे कुछो नै माङनेचिही। माङ त तुसब पाबबिही आ तहैसे तोरासबके आनन्‍द पुरा हेतौ।

परेरित 20:19

हम त धिरजके साथ आ लोर बह्‍या-बह्‍याके यहुदीसबके जालझेलके बावजुदो परभुके सेबा करतै रहलियै।

परेरित 20:31

तै खातिर होसियार रह, कि हम तिन बरिसतक दिन-रात लोर बह्‍या-बह्‍याके लोकसबके समझाइते रहलियौ।

रोमी 1:11

पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

फिलिप्‍पी 2:26

तोरासबके भेटैके ओकर एकदम इक्‍छाछै। उ बिमार परल बात तुसब सुनलासे उ एकदम चिन्‍ता कैररहलछै।

१ थेसलोनिकी 2:17

देख भाइसब, हमसब कुछ समयके लेल तोरासबसे जरुर दुर हैले परलै, महज हमरासबके मन त तोरासबसङे रहौ। तोरासबके सामनेसे देखेके बहौत इक्‍छा भेलाके कारन तोरासबलग जाइले बहौत कोसिस करलियौ।

२ तिमोथी 4:21

जार मौसम आबैसे पैहनैये चैल आबैले कोसिस कर। युबुलस, पुडेस, लिनस, कलौडिया आ अतेका सब भाइ-बहिनसब तोरा गोर लागैचियौ कैहके पठाइनेछौ।

२ तिमोथी 4:9

सकभर हमरा जल्‍दी आइबके भेट कर।

१ युहन्‍ना 1:4

अपनासबमे भरपुर आनन्‍द रहे कैहके हमसब यि बात लिखरहल चियौ।

परकास 21:4

परमेस्‍वर ओकरासबके आँखके पुरे लोर पोइछदेतै। ओते मिरतु, सोक, बिलाप आ दुख नै हेतै। कथिलेत पुरन्‍का सब बात बित गेलछै।”

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”