२ तिमोथी 1:15 - मध्‍य पुरविया थारू

¹⁵ तोरासबके थाहे छौ कि, एसियामे रहैबला सबगोरे हमरा छोइरके चैलगेलै, तै मेसे फुगेलस आ हरमोगेनस सोहो चियै।

२ तिमोथी 1:15 Iomraidhean Croise

परेरित 16:6

पबितर आत्‍मासे एसियाके परदेसमे बचन परचार करैले मनाही भेलाके कारन उसब फिरिगिया इलाका आ गलातियाके परदेससब हैतगेलै।

परेरित 19:10

दुइ बरिसतक अहिनङे चलैत रहलै आ एसिया परान्‍तके सब बासिसब, यहुदी आ गिरिक दुनु परभुके बचन सुनल्‍कै।

परेरित 19:27

तै खातिर अपनासबके बेपारके इजत मातरे नै, महज महान देबि आरतेमिसके मन्‍दिरो बेकामके हेतौ। तब एसिया आ सन्‍सार भैरके लोकसब पुजा कैरते आइबरहल देबिके गौरब नास भ्‍या जेतौ।”

परेरित 19:31

एसियाके कतहेक अधिकारीसब पावलके सङी छेलै। उसब पावलके रंगसला भितर नै जाउ कैहके समाध पठेल्‍कै।

परेरित 2:9

हमसब त पारथीसब, मादीसब आ एलामीसब, मेसोपोटामियाके, यहुदियाके, कापाडोकियाके, पोन्‍टस आ एसियाके बासिसब चियै।

परेरित 20:16

एसिया परदेसमे देर हेतै से बिचार कैरके पावल एफिससमे नै जाइके निरनय करल्‍कै। कथिलेत उ सकभर पेन्‍तिकोस पाबैनके दिनमे यरुसलेममे पुगैले हतार छेलै।

१ कोरन्‍थी 16:19

एसियाके मन्‍डलीसब तोरासबके गोरलगी पठाइनेछौ। अकिलास आ पिरिस्‍किला आ ओइसबके घरमे भेल बिस्‍बासीसब सेहो परभुमे तोरासबके हिरदयसे गोरलगी पठाइनेछौ।

फिलिप्‍पी 2:21

औरो लोकसब त आपने धुनमे लागलछै, येसु खिरिस्‍टके बारेमे वास्‍ता करैबला कोनो लोक नै छै।

२ तिमोथी 4:16

पहिन्‍का बेर जखुन हमरा कचहरीमे आपन सफाइ दैले परल छेलै तखुन हमर पक्‍छमे कोइ नै बाज्‍लै। सब गोरे हमरा छोइरदेल्‍कै। यि बातके दोस ओइसबके ककरो नै लागे।