२ तिमोथी 1:13 - मध्‍य पुरविया थारू

¹³ खिरिस्‍ट येसुमे भेल बिस्‍बास आ परेममे अस्‍थिर रैहके हमरसे सिखल्‍हा असल सिक्‍छाके तु नमुना बैनके लोकसबके सिखा।

२ तिमोथी 1:13 Iomraidhean Croise

रोमी 2:20

तुसब मुरुख लोकसबके सल्‍लाहकार तब परमेस्‍वरके बारेमे किछो नै जानैबलासबके सिक्‍छक चियै कैहके सोचैचिही, कथिलेत बेबस्‍थामे भेल सब बुइध आ सत बात पाबनेचियै कैहके दाबी करैचिही।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

फिलिप्‍पी 1:27

मुख बात यह्‍या चियै कि तोरासबके चाल-चलन खिरिस्‍टके सुसमाचार अनुसार सोहाइबला हेबे। हम चाहे तोरासबके भेट-मुलकात करी, चाहे दुर रही तुसब एकेटा उदेस्‍य ल्‍याके अस्‍थिर चिही आ एकेटा मन भ्‍याके सुसमाचारके बिस्‍बासके लेल मेहनत कैररहल चिही कैहके हम सुनैले पाबी।

फिलिप्‍पी 4:9

तुसब जे बात हमरसे सिखलिही, गरहन करलिही, सुनलिही आ हमरमे देखलिही, ओहिनङे कर तब सान्‍तीके परमेस्‍वर तोरासबसङे रहतौ।

कलस्‍सी 1:4

कथिलेत हमसब परभु येसु खिरिस्‍टमे तोरासबके बिस्‍बास आ ओकर सब पबितर लोकसबके करल तोहर परेमके बारेमे सुन्‍नेचियौ।

१ थेसलोनिकी 5:21

महज सब बातके जाँच कर आ जे चिज असल छै ओइके पकरने रह।

१ तिमोथी 1:10

अतबे नै बेबस्‍था त बेबिचार करैबलासबके लेल, समलिङगी सबके लेल, अपहरन करैबलासबके लेल, झुठ बोलैबला, झुठ किरिया खाइबलासबके लेल आ सत सिदान्‍तके बिरोधमे हैबला औरो बहुतो कामसबके बिरोधमे बनलछै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

१ तिमोथी 6:3

यदी कोइ झुठ सिदान्‍त सिखाबैछै आ आपन परभु येसु खिरिस्‍टके देल साँचो सिक्‍छा आ परमेस्‍वरके भक्‍ति हैबला सिक्‍छामे सहमत नै हेतै त,

२ तिमोथी 1:1

हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।

२ तिमोथी 1:14

तोहर जिम्‍मामे देल असल सिक्‍छाके अपनासबके भितरमे बास करैबला पबितर आत्‍माके सक्‍तिसे सुरक्‍छित राख।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

२ तिमोथी 3:14

महज तु अपनेसे सिखल आ पुरे मनसे बिस्‍बास करल सिक्‍छामे लागल रह। यि ककरसे सिखनेचिही से बात तु जानैचिही।

२ तिमोथी 4:3

कथिलेत आब एहेन समय आइबरहल छै कि लोकसब सहि सिक्‍छाके बात सुनैले बरदास नै करतै। बरु आपने इक्‍छाके पछा भाग्‍तै। उसब आपन इक्‍छासे ओहै गुरुसबके ढेरियाइतै जे ओइसबके सुनैले मज्‍जा लागैबला बातसब सुनाइतै।

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

तितस 2:1

महज तितस तु असल सिक्‍छा सङे मिलैबला बातसब मातरे सिखाबिहे।

तितस 2:8

एहेन सत बचन सिखा जकरा कोइयो नै काटे सके आ हमरासबके बिरोधमे उठैबला सरममे परे।

हिबरु 10:23

अपनासबके करल आसामे अस्‍थिर भ्‍याके कैसके पकैरके राख, कथिलेकी जे परतिग्‍या करने छै, उ बिस्‍बास योग्‍यछै।

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

यहुदा 1:3

हे पिरिय भाइ-भैयासब, तोरासबके आ अपनासबके भेटल मुक्‍तीके बारेमे हमरा लिखैले बहौत बरका इक्‍छा छेलै, महज आब पबितर जनसबके सबदिनके लेल सोपल बिस्‍बासके रक्‍छा कर कैहके निबेदन करैले तोरासबके लिखैले हम आबसेक बुझलियै।

परकास 2:25

महज जाबेतक हम नै एबौ ताबेतक तुसब आपन बिस्‍बासमे अरल रह।

परकास 3:11

हम जल्‍दिए आइबरहल चियौ। तोहरमे भेल बिस्‍बासके बचाके राख ताकी कोइ नै तोरासे बिजयके मुकुट छिनके लेबे।

परकास 3:3

अहैलेल तु जे सिक्‍छा सुनने आ सिखनेचिही ओकरा याद कर। उ बातमे लागल रह आ पापसे पस्‍चाताप कैरके मन परिबरतन कर। यदि तुसब जागल नै रहबिही त, हम चोर एल जखा सुटुकसे एबौ आ हम कोन घरी एबौ से तु थाह नै पाबबिही।