२ तिमोथी 1:10 - मध्‍य पुरविया थारू

¹⁰ जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।

२ तिमोथी 1:10 Iomraidhean Croise

लुका 11:36

अगर तोरासबके सौसे देह इजोतसे भरल छौ त आ कोनो भाग अन्‍हार नै छौ त, उ सब चमक्‍तौ, जनङ डिबिया तोरासबके इजोत दैछौ।”

लुका 13:7

उ मालीके कहल्‍कै, ‘तिन बरिस भेलै, हम यि गाछमे फल खोजैचियै, महज नै पाबैचियै। आब अकरा काइटके फेकदहै? कथिले यि जमिन घैरतै।’

लुका 2:11

आइ दाउदके सहरमे मुक्‍तीदाताके जलम भेल छै, जे खिरिस्‍ट परभु चियै।

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 4:42

उसब ओइ जनिके कहल्‍कै, “अखुन तोरे बात सुइनके मातरे नै, महज हमरासब आपने ओकर उपदेस सुइनके बिस्‍बास करैचियै। बास्‍तममे ओह्‍या सन्‍सारके मुक्‍तीदाता चियै से हमसब जानैचियै।”

युहन्‍ना 5:40

तैयो तुसब अनन्‍त जिबन पाबैके लेल हमरलग आबैले नै चाहैचिही।

परेरित 13:23

परमेस्‍वरके परतिग्‍या करल जहिना दाउदके कुलसे इजराएली लोकसबके खातिर एक गोरा मुक्‍तीदाता येसुके पठेल्‍कै।

परेरित 5:31

इजराएलके लोकसबके पस्‍चातापके खातिर आ ओइसबके पापसे छमा दैके खातिर परमेस्‍वर येसुके परभु आ मुक्‍तीदाता बनाके आपन देहना कात बैठेल्‍कै।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

रोमी 2:7

जे लोकसब निरन्‍तर भलाइके काम कैरके आदर, इज्‍जत आ अनन्‍त जिबनके खोजी करैछै, ओइसबके परमेस्‍वर अनन्‍त जिबन देतै।

रोमी 3:31

तब कि अपनासबके अहै बिस्‍बास दुवारा बेबस्‍थाके बेरथ कैरदेबै? कदापी नै! बरु हमसब बेबस्‍थाके साँचोके मानैचियै।

रोमी 6:6

हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

१ कोरन्‍थी 15:26

तैमे सबसे पछा नास हैबला दुस्‍मन त मिरतु चियै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

२ कोरन्‍थी 5:4

हमसब यि देहमे रहैतक बोझसे दब्‍याके छटपटाबैचियै। अइ देहके मैरके त्‍यागबै कैहके नै छटपटाबैचियै बरु कहिया स्‍वरगिय देह बस्‍तर जखा लगाइबै कैहके चियै, ताकि नास हैबला देह कहियो नास नै हैबला देहमे बदैलजेतै।

गलाती 5:4

बेबस्‍था पालन कैरके परमेस्‍वरके नजरमे धरमी ठहरैले चाहैबला खिरिस्‍टसे अलग भेलचिही आ ओकर अनुगरहसे दुर भेलचिही।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

२ तिमोथी 1:1

हम पावल, परमेस्‍वरके इक्‍छासे येसु खिरिस्‍टमे चुनल परेरित चियै। येसु खिरिस्‍टमे भेल अनन्‍त जिबनके परतिग्‍या सुनाइके लेल परमेस्‍वर हमरा पठाइने छै।

२ तिमोथी 1:8

तै खातिर आपनौरके परभुके गबाही दैले लाज नै मान आ हम ओकरलेल जहलमे परलियै से बात सोइचके लाज नै मान। महज परमेस्‍वरके सक्‍तीमे सुसमाचार सुनाइबला कामके लेल दुख भोगैले तु हमरसङे सामेल हो।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

तितस 3:4

महज जब अपनासबके मुक्‍ती दैबला परमेस्‍वरके दया आ परेम आपनसबमे परकट भेलै,

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

२ पतरुस 2:20

महज उसब अपनासबके परभु आ मुक्‍तीदाता येसु खिरिस्‍टके चिन्‍हके सन्‍सारके घिनलागैबला बातसबसे छुटकरा पाबलाके बाद फेनसे पापमे परैछै त ओकरासबके दसा पहिनेसे औरो बेसी खराब हैछै।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

२ पतरुस 3:2

पहिनेके पबितर अगमबक्‍तासबके बोलल अगमबानी आ तोरासबके परेरितसबसे अपनासबके परभु आ मुक्‍ती दैबला परभुके देल आग्‍या तोरासबके सम्‍झैले परतौ।

१ युहन्‍ना 1:2

जब जिबन दैबला परगट भेलै, तब हमसब ओकरा देखलियै आ हमसब वह्‍या अनन्‍त जिबनके बिसयमे साक्‍छी दैचियौ आ तोरासबके कहैचियौ, जे पिता सङे छेलै वह्‍या अपनासबके लग परगट भेलै।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।

परकास 18:1

तकरबाद हम स्‍वरगसे बरका अधिकार भेल एकटा दोसर स्‍वरगदुतके निचा आबैत देखलियै। ओकर चमकसे पुरे पिरथिबी इजोत भेलै।

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”

परकास 20:14

मिरतु आ पताल आइगके भठिमे फेकलगेलै। यि दोसर मिरतु चियै।

परकास 22:14

उसब धैनके चियै, जे आपन बस्‍तर धोइबके साफ करैछै। उसब जिबनके गाछके फल खाइले आ ओइ सहरके देहरीसे भितर जाइले पाबतै।

परकास 22:17

पबितर आत्‍मा आ कनिया कहैछै, “आबु!” जे लोक सुनैछै, उहो लोक कहे कि, “आबु।” जे पियासल छै, उ आबे आ जकरा इक्‍छा लागैछै उ जिबनके पानी मङनिएमे पिबे!